台语与我　　　　　 普103 第2组 B88303137　
当初，beh上这门课e5彼时阵，心内著真犹豫不决，因为我e5台语讲了无
盖好，好佳哉我e5同学台语拢讲了真好，有伊予我靠，有卡安心一点仔。看着
仝一班e5同学写e5文章，感觉著差不多每一个人拢是讲台语大汉咧，但是我m7
是。
我阿嬷是对大陆来e5（伊腔口真重），外嬷是鹿港人，所以我细汉e5时kah4　
in 序大人讲话，拢需要爸爸妈妈作翻译。伫阮厝里面大部分是讲华语，因为我
爸爸伊听无台语嘛boe7晓讲（我是感觉伊无讲台语e5"慧根"啦，伊听了beh二十
年嘛有去学过，这码犹是听无伤有，讲e5话嘛li-li-lak4-lak4）。
犹m7阁kah4读国民学校进前，我是予外嬷chhoa 大汉咧，kah4 表兄 in 斗
阵thit-tho5，in kah4 in 阿公 toa3 作伙，台语讲了 sia7-sia7-叫，若是我
台语讲了m7对，in tioh8会笑我，所以我拢无爱讲台语，这码想起来实在是真
无彩。读册了后，我干单kah4 外嬷讲话 e5 时阵才会讲台语，有时阵连手嘛
theh8 起来比，后来伊华语听卡有囉，我对着boe7晓讲e5字嘛kah4伊讲华语。
这码，因为伫学校上郑教授e5课，我kah4仝班e5同学会用台语拍嘴古，
转去外嬷in兜嘛会使用台语kah4伊开讲，伊拢会笑我讲“beh学台语那有需要
去学校咧，我教你tioh8好阿”，这阵时我会笑允好，问伊课堂上我boe7晓讲e5
字。
　　我是感觉，学语言真正是对听、说、读、写e5步骤一步一步来e5，像华语、
台语，因为自细汉时听了惯势，慢慢仔会晓讲，所以ㄅ、ㄆ、ㄇ kah4 罗马字干
单是帮助阮来学习e5工具，予阮卡方便，嘛卡有一个标准。反倒转来讲，像英
语这卡无熟识e5语言，学起来tioh8卡困难囉，干单学晓２６个a、b、c kah4　
”音标”，才来学“按怎听”英语，根本是”本末倒置”e5做法。
　　
　　上了规学期e5课，我实在真欢喜有这咧机会重新来熟识台语！！！