因为有赞助募资，所以昨昏伫戏院正式上演进前，受邀参与特演会，赞赞赞！
无完整剧透：伫火烧岛流麻沟(鲈鳗沟)这个规年迵天搧海风兮所在，三个主角，以及毋管是
受刑人抑是军官，对五湖四海来到遮兮人各样各色，拢仝款予暗流滚搅兮环境，佮家己兮重
担来拖磨。伫遮，随人以无仝兮立场盘撋，交织出时代兮面模，佮一丝仔人性兮光辉。最后
以岛上某一条案件做转机，冲突一触即发，有人沉沦灭无，有人牺牲自我，嘛有人伫爱当中
得着救赎。
整个来看，剧本并无真正下重咸，只是足简单共彼当时兮政治受难者生活搬出来，毋过干焦
按呢，着予观众感受着白色恐怖初期兮无情粗残。
演员表现拢真赞，画面足媠，有真济桌布级兮场面。歌嘛诚好听，遮兮着予逐家去电影院内
底好好仔感受矣！