无遐严重好无，小变窍一下，就有新词啊，欲创毋岂简单，咱提一个例来讨论，拄啊好今
旦日facebook有人咧问讲:
"冲浪板"台语安怎讲呢？
我看着这个题目，我心内就咧想，
苏贞昌，冲冲冲是台语啊，
海浪，波浪，浪子个心情嘛是台语啊，
板仔，乌板，棺材板嘛是台语啊，
三字斗做伙唸煞袂用之?哪有这款道理。
啥货，你讲照唸恁阿妈会听无，你嘛卡拜托一下，
即阵毋捌汉字个人拢扛去埋啊，台语未来需要标准化，现代化，
爱以汉字做上基本单位，来创新词，老岁仔话才会变少年。
台湾有寡人上爱讲"台语滥真济日语，佮闽南语无共款"，
这表示对日本时代，台语就开始退化，爱位"国语"借词来用啊，这是见羞代(事)。
袂爽照唸"冲浪板"喔，有步通展喔，
换做"冲涌板，踏涌板，逐浪板"敢真困难?
敢着想无一分钟就讲台语现代化变无辇(轮)?
潮汕人就无这款症头，一撮词汇喔，是对官话借入来个，用潮汕音唸，我看尹就用徦爽歪
歪，母语风气真好，
香港，广东人嘛共款，台湾人搁咧烦恼新词安奈创，破格落漆兼卸干。
台语有法度唸佛经，演布袋戏，哪有啥字无才调唸?
互民众捌字，民众灵巧运用，联想，创造，自然台语就会愈来愈老康健，毋捌字，听着阿
六仔闽南语"轰6k"宣传，台语新闻，布袋戏，青盲牛就会哭父啥洨"彼(嘿)毋是台语，恁
父听袂惯势，气口无够，文法毋着(对)"，隔转工讲话原在滥一truck国语，讲无三句变国
语，这就是现状。