最近看着有人写一寡仔台罗字个时,无咧用连字号。
拄看着感觉新奇,所以就去查了一点仔资料。
结果发现事志毋是戆人所想个遮尔仔简单。
问题之一就是出伫入声字遮。
-h佮h-无法度分辨,这干焦是小问题尔。
较大个是-p/-t/-k,其实是-b/-d/-g才著。
入声字是浊音尾,毋是清音尾。
莫怪菝仔pat8-a2会予唸做pala。
台罗字个l其实较倚[d],所以写做pad8-a2较著。
若是无用连字号,入声连音会完全唸毋著去。
想欲无爱用连字号,入声尾爱规个阁设计过。
l规气改做d,j改做dz?
第二个问题伫n佮o,
例:-n+n- vs -nn、-n+g- vs -ng/ng-、-o+o- vs oo…
可能犹有别个问题,所以我是建议莫假gau5按呢写。