11:1 诡诈个天秤是耶和华所厌恶；公平个铊子是伊所欢喜。
11:2 骄傲来，见诮亦来；总是智慧是甲谦卑个侬相甲伫啲。
11:3 正直个侬，伊个真实卜引娶伊；奸诈个人，伊个乖僻卜败坏伊。
11:4 大受气个日钱财无利益；只有公义会救侬脱离死无。
11:5 完全个侬个义卜舖平伊个路；独独歹(phaiN2)侬卜因为伊个歹跋倒。
11:6 正直个侬个义卜拯救伊；奸诈个侬卜互怹个歹掠著。
11:7 歹侬一下死，伊个向(ng3)望卜无去；罪人所欣慕个也无去。
11:8 义侬得着脱离患难，有歹侬做伊个替身。
11:9 无敬虔个侬用嘴害厝边；独独义侬对知捌得着救。
11:10 义侬亨通，通城欢喜；歹侬灭无，侬拢出欢喜个声。
11:11 城因为正直个侬个祝福就兴起，总是因为歹侬个嘴就捙倒。
11:12 藐视厝边个，是无知个侬；总是明理个侬静静无做声。