公卫一 B91801033 钟婉君
我住在云林县，台语，抵hia非常普遍，所以台语是我尚早捌e5一个语言。犹e5记得，
我第一摆去幼稚园，老师叫我"把椅子靠拢"， 害阿!啥米叫做"靠拢"?我那亲像鸭阿听雷，
khia7抵hia拢无动静，老师连续讲2摆，尾仔伊kui7-khi3自己动手卡紧，看伊做了后，我
才知影"靠拢"e5意思，实在是chiaN5歹势。
读小学以后，抵学校我就差不多拢无koh讲台语阿，因为我感觉及同学讲台语是一件
chiaN5奇怪e5代志，同学也掠准我不啥米会晓讲台语，逐个人听到我讲台语，拢ka2-na2
发现新大陆，给我讲我讲台语chiaN5好笑，实在是使人beh哭没目屎。
一直到高中，大家才相信我真正会晓讲台语。因为阮班有几阿个人拢无啥会晓，尚
ham3 e5都是有一个同学，in阿公阿嬷拢是外省人，因为伊自细汉都和in阿公阿嬷住斗阵
，所以根本听无台语，大家拢爱给伊chhong3-ti7，有一摆甚至骗伊"咖啡"e5台语叫做
"香港kha"，实在是真好骗，可见学台语是一件chiaN5重要e5代志，那be7晓，不定hon5
卖去阿koh给人se3多谢，按呢都chiaN5惨囉。
chit-ma2来台北读书，发现搁卡济人beh晓讲台语，越大汉假那离台语越远，越来越
济人感觉会晓讲台语真厉害，遮干是表示咱e5台语文化渐渐hon5放beh记阿，减采搁过几
十年，干单伸遮的年纪卡大e5人在讲台语耳耳，按呢是chiaN5无采，台语不单是咱e5母语
，搁有真济感觉、声音，只有台语会当表达，我实在不希望伊按呢消失去。