※ [本文转录自 BL 看板 #1WWxoVzc ]
作者: Ymuse (暗时工作室-乌籽) 看板: BL
标题: [小说] 关于二宝（台文版）
时间: Sat Apr 24 14:37:10 2021
台文BL小说/生子/育儿/短文
部落格好读版：
https://a-tshing.blogspot.com/2021/04/tambi210424.html
1m《关于二宝》 台文翻译版
江予舟本底阁咧烦恼有身的时是爱按怎度，伊有江胤佐的时是家己一个人蹛，彼
当阵何晏左犹毋是公众人物，伊伫大阵人内底无遐显目，毋过这马佮何晏左结婚蹛做伙，
伤过容易予人注意著矣。
伊原底规划讲，敢是爱去东部蹛几个月仔，家己做麭、煮食，离其他人远远远，
嘛就较袂予人发现。
想袂到疫情改变伊的计画，嘛无完全是歹代志。逐个人拢予人要求挂喙罨，出外
无容易予人认出来，伊阁挂乌仁目镜，换一台车来驶，犹原过甲诚四序。
但是公司彼爿伊犹是暂时离开矣，虽罔想欲上班上到无法度藏肚才阁讲，毋过何
晏左彼种袂输伊去加上班，二宝连鞭就会无去的款，毋知是咧紧张啥物，甚至准备大大细
细的敲字盘，伊若欲去上班，何晏左就随家己罚跪，罚跪的理由是照顾有身的翁婿照顾甲
无好。
江予舟：“……”准煞，横直伊嘛毋是一定爱上班，莫去就莫去。
江胤佐上课下课接送嘛予何晏左来处理，伊苦袂得共过去江予舟身上的担仔拢共
担过来，规工干焦想欲爱江予舟倒咧歇困，共江予舟弄甲烦死，直接咧产检的时请医生好
好仔对何晏左教育，才解决何晏左各种giú后跤的行为。
嘛因为全世界拢变去，台湾逐工拢有疫情记者会转播佮疫苗相关新闻，记者伤过
无闲，有身的九个月竟然就按呢顺利过去矣，何晏左参与破腹生囝，是亲手铰断二宝肚脐
带的人。
江予舟有注麻射，彼阵袂疼，何晏左抱清理好的囡仔予江予舟看，江予舟看着伊
的左哥目屎留规面。
何晏左讲：“小舟，辛苦你矣。”停一下阁讲：“小舟，你看伊若像你咧，伊这
马一定是全世界生甲上好看的红婴仔。”
江予舟又阁感动又阁爱笑，红婴仔的面就犹未展开，规面皱襞襞，到底是佗位咧
好看矣，伊无了解。
毋过伊知影in兜左哥有偌爱伊。
江予舟的无法了解无去碍著何晏左相连绁翕两千张in兜红婴仔的相片，因为疫情
，无通予江胤佐做伙来病院，等到in出院的时，戆老爸又阁继续翕红婴仔佮江胤佐，翕甲
和江胤佐都戆去矣。
“爹地，弟弟敢毋是一直拢咧困，是按怎你欲一直翕我佮伊咧？伊敢毋是拢无变？
”
“有。”何晏左ni拳头，目睭仁闪闪烁，“伊每一分每一秒拢咧大汉，拢佮前
一秒无仝款。”
江胤佐用 这是咧洗脑乎 的眼神共何晏左相一下，就家己走去揣奶母陪伊耍迌物矣。
江予舟笑甲破腹的空喙淡薄仔疼，这是伊头一改对江胤佐的面看着这款厌siān何
晏左的表情。
“好啦，较站节咧，毋免遐尔离谱。你无看佐佐都无法度忍受你矣？”江予舟共
苦劝。
何晏左頕头听话，“好啦，小舟讲的我著爱听，按呢就减翕一张啦。”
江予舟无言。两千张减翕一张，彼嘛有一千九百九十九张好无？煞煞去，无爱插
伊矣。
就予何晏左做一个欢喜过头的戆老爸，江予舟贫惰插伊，何晏左对瘦卑巴的猴山
仔翕甲变做中的红婴仔，安然自在。
In犹是拜托厉害的江妈妈来斗相共做江予舟的月内，若江胤佐就予几个大人佮奶
母轮流咧耍，日时阁会去上课，时间嘛袂歹度。
二宝当初时伫腹肚内的偏名是航航，原因是何晏左讲彼个细粒子，未来一定会亲
像航空母舰仝款勇壮。江予舟心内煞是清楚，这佮伊号佐佐的名的原因诚成。
何晏左是因为伊名内底有舟，所以共囡仔名号做航，航嘛是对舟来的。
真正欲号名报户口的时阵，何晏左开始焦心，按怎号都号袂好。
何晏左足苦恼的，“本底想欲用伃这个字，想讲佮佐这字足相成。毋过伃的意思
我无遐佮意，毋知欲按怎号。”
江予舟无遐讲究，“宇啦，宇宙的宇，宇航。”
“宇伤过普通矣。”何晏左应讲：“毋是，小舟我毋是讲你的意见无好，我是想
讲，咱敢欲像胤佐按呢，号一个较特殊的名。”
“宇航无够特殊？”江予舟轻轻仔共相一下。
何晏左险险想欲去共敲字盘搬来超前准备一下，“毋是，宇航嘛真特殊，毋过伊
若叫做江宇航的话，名唸起来两个音佮你是仝款的，别人就会当做恁是兄弟。”
江予舟心内想讲，啥人讲欲予航航姓江矣，伊偏偏仔欲予航航姓何，毋过伊这改
吞落来啥物拢无讲，因为伊早就佮何晏左讲过几若改欲予航航姓何，拢予何晏左拒绝。
何晏左罕得坚持传统欲予兄弟姓仝姓，江予舟心内了解，对方只是疼惜家己生囡
仔，希望囡仔嘛姓江。
毋过江予舟感觉何晏左应该真歹号名，伊就伫边仔看何晏左一个名号过一个，阁
一个一个划掉，号到伊做月内出关的彼工。
何晏左去上班矣，江妈妈咧航航，in算是幸运，航航是一个足重眠的囡仔，
犹未满月就困过暝，而且性地诚好，和腹肚枵都袂着急，干焦吼几声予大人听着就准煞，
江妈妈起来袂辛苦，伊嘛才放心予江妈妈，等待约好欲长期合作的奶母过来接手
照顾航航。
伊共文件攒予好势，佮江妈妈交代一下了后就出门矣。
嫌揣车位麻烦，伊叫出租车，伫车顶发讯息予何晏左。
宝贝小舟：敢咧无闲？
宝贝小舟：我欲去共航航报户口矣喔。
无看着何晏左回应伊嘛无着急，横直伊嘛算看清楚矣，正经予何晏左号两个月嘛
号袂出一个完美的名，不如伊家己去共囡仔的户口报予好，生米煮成饭，就无需要阁操烦
矣。
何晏左这工是真正无闲，无闲到欲去接佐佐的时伊才有闲看讯息，等看着讯息伊
随就回复。
囡仔in爹地：！！！？？？
宝贝小舟：早就办好矣，传予你看。
江予舟将户口簿仔的相片传过去。
何晏左相“次男 何宇航”彼几字相诚久。
彼工，江胤佐一看着来接伊的何晏左，感觉淡薄仔奇怪。
“爹地，你的目箍哪会红红？”江胤佐带疑咧问。
何晏左共江胤佐牵咧，“Uh，佐佐，恁爸爸是全天下上好的查埔人，我永远爱伊
！”
江胤佐对爸爸有身了后听类似的话听甲耳仔强欲出油矣，对一开始感觉爹地有够
使人感动的，缀咧吼足久，到尾仔感觉，好啦，又阁发作矣，到今已经是老神在在。
“喔，我嘛感觉爸爸是全天下上好的查埔人，我嘛永远爱伊。”五岁的江胤佐 ，
已经学会晓得定矣，“爸爸是做啥物代志予你遮尔感动咧？”
“伊予弟弟缀我姓！”何晏左牵江胤佐上车，帮伊固定咧安全坐椅顶悬，“伊遐
尔辛苦有身生囝，煞予航航缀我姓，你讲伊是毋是足爱我的？”
五岁的江胤佐已经知影啥物是姓矣，毋过伊完全毋捌姓啥佮爱抑是无爱的关系，
干焦会当袂博假博，真认真咧应付in爹地：“爱，伊上爱你！”
何晏左足欢喜的共饼窒伫江胤佐手里，“Mh，我嘛按呢想！”
何晏左江胤佐转去到厝，洗手面洗身躯，拄有名姓的航航罕得精神，貔n
椅顶悬，好奇的用大大的目睭仁看这个世界，江胤佐走去边仔，kuh-tsih-kuh-tsih共航
航弄，拄开始发展社交型笑容的航航雄雄就笑矣。
“爸爸、爹地、阿妈，航航对我笑呢！伊敢是佮意我？”
“著啊，伊上佮意你。”江予舟那笑那讲。
何晏左早就伫边仔翕相翕甲起痟，那翕那讲：“小舟，多谢。”共家己搧喙먊感觉诚好，这对兄弟明明就无仝姓，感情犹是诚好。
小舟予航航姓何，伊确实感动，伊遮济年的努力，想欲予家己脱离何家遐的垃圾
代。伊哪会毋知，小舟是用号名来共讲，你诚好，你佮何家其他的人无仝款，你值得航航
缀你姓。
江予舟笑笑，无加讲啥物。
何晏左诚有范势的搬跤架仔来，请江妈妈佮江予舟嘛过去，共倒头计时揤落去，
连鞭走去镜头头前，卡擦一声，共美好的瞬间翕起来。
相片内底，兄弟两个无人看镜头，煞那对相那笑，江妈妈看两兄弟仔，喙唇边嘛
是笑容，何晏左共江予舟揽牢牢，若像欲共人吣的款，江予舟好亲像欲覕，喙唇边煞是笑
意。
何晏左落尾抑是偷吣著，毋过，江胤佐嘛共航航吣一下吣甲规面澹糊糊。
平常时惊航航破病，in袂去吣航航，嘛无欲予江胤佐吣航航，红婴仔实在是伤过
荏身矣，有受着卫生教育的江妈妈嘛知影袂当清彩吣航航，抱航航先去拭面顺绁去检查尿
苴仔矣。
“失礼，我看弟弟伤过古锥，忍袂牢就共吣落去矣。”江胤佐感觉诚歹势。
“无要紧。”江予舟回答，毕竟吣都吣矣，共骂嘛无效，伊话头转踅，看对何晏
左遐去，“你咧？你哪会欲做歹模样？”
“失礼，我嘛看你古锥，就忍袂牢矣……”何晏左真无辜，“你敢袂当嘛共我讲
无要紧？”
江予舟微微笑：“佐佐，替爸爸去共敲字盘提过来。”
江胤佐提无线的敲字盘吨吨吨走过来的时，江妈妈嘛拄仔好抱航航转来到客厅。
“佐佐，你提敲字盘欲创啥？”江妈妈感觉疑怪。
“我欲敲字！”何晏左随澄清。
“我欲耍的！”江胤佐仝一个时间按呢应。
看大细汉拢咧替伊掩崁，江予舟的喙唇边出现幸福的笑容。
“khe-khe。”予人抱伫咧江妈妈身躯顶的航航，毋知敢是感染著这个气氛
，竟然咧笑。
这改，规家伙仔都拢笑矣。
> > ... END
授权翻译：唯社文创 http://www.plurk.com/onlyheart2020
作者：orangeumi 橙海
落勾字、罕用字和其他资讯
https://i.imgur.com/Cu5ZQ7x.jpg
本篇是唯社 的 橙海老师 《醒醒他是你亲生的》番外作品
中文版本将会由唯社的电子书平台发行，此篇为授权翻译合作。
《醒醒他是你亲生的》
https://www.popo.tw/books/729619/limit18

推台文翻译！“醒醒”全文有在BB-Love版发表，或许也可把翻译版本贴到那边去？

谢谢~~应该明天就会由橙海老师转发或是贴文哦！

好可爱！虽然一直在猜故事内容，哈哈哈哈。