其实朋友欲交随时拢有
差伫讲：你敢有意愿？
细汉时阵
尤其是小学国中
你一定爱去学校
而且是规工拢伫学校
按呢真自然就会佮人足熟的
差不多上大学开始
选课拢真自由
有真济同学是考试才头一摆看着
出社会以后阁较免讲
上班是为着生活
哪有心情去交朋友
逐家莫相害就真好矣
所以头一个是无彼落心情
第二就是无时间
所以其实你家己嘛无啥物意愿去交新的朋友矣
这阵真济人上网络熟似人
毋过无简单
因为恁生活无交插
所以欲透过网络交朋友
除非是你有兴趣的网络社团
譬论讲你爱骑孔车
伫孔车社团开讲抑是相招出来骑
按呢就一定会交著矣
欲揣对象嘛仝款
除非你生做真好看
无真正莫浪费时间耍交友app矣
参加社团较紧