https://goo.gl/0Qywgh
【拍档变对手】网民最想《101次求婚》拍电影版　传松隆子10年后再拍剧
2016年10月19日07:00 sina新浪香港
最近有唔少日剧播完后，宣布拍电影版。好似上户彩同斋藤工合演不伦剧《昼颜》咁，播
完两年后就落实开拍电影版。有机构食住个势，访问一班二十几至三十几岁嘅上班族，叫
佢哋选出最想拍成电影版嘅90年代“月9”剧！
结果第一位由武田铁矢及浅野温子合作嘅《101次求婚》夺得，有人觉得呢段美女与野兽
嘅感情好纯真；而排第二嘅系木村拓哉同山口智子嘅《悠长假期》；第三嘅系1993年福山
雅治同酒井法子合作嘅富士剧《同一屋簷下》；至于另一套港人熟悉、由木村拓哉同松隆
子合作嘅《恋爱世纪》就排第六。
出年就系《恋爱世纪》播出20周年，女主角松隆子近十年都冇接拍连续剧，不过呢日有报
道指，佢即将同满岛光合作一部由荷李活片《末路狂花》（Thelma & Louise）改编嘅新
剧，套剧出年一月喺TBS电视台播出，不过同期就有昔日拍档木村拓哉嘅新剧《Get
Ready!!》上演，到时就会由“拍档”变“对手”，来季嘅收视之战真系好有睇头！