我是对二冬前开始信原始/早期佛教的
读阿含经
因为彼当阵我饲十几年的老狗往生矣
我足爱伊
非常痛苦
就接触著阿含经
若这阵我已经知影当初时艰苦的原因矣
因为贪爱
是按怎我会遮爱伊？
因为伊足乖嘛足巧
简单讲：伊的表现完全顺我的意
若共世间的代志简单分做两类
1.顺我意的-产生贪爱
2.无顺我意的-产生瞋恨
伊就是1
等于顺我意十几年
所以我逐工佮伊耍
愈来愈爱
落尾果然亲像佛祖讲的
爱的本质是苦
所以伊往生以后
我的贪爱无法度阁满足矣
就艰苦矣
有偌爱就有偌艰苦
后来我共想
若伊在生的时拢无顺我意
磕袂著就共我咬
共我吠
我敢阁会遮毋甘？
拢是仝一只狗
因为顺我意 我爱
无顺我意 我讨厌
证明自头到尾就是我家己咧爱佮恨的
客观来讲
伊已经相当人的八十几岁矣
阁著癌
本来就差不多矣
往生对伊来讲颠倒是解脱
后世人有机会免阁做狗矣
今世老病的痛苦嘛结束矣
我应该为伊欢喜才著
结论：
自头到尾
当初时对伊的爱佮毋甘
其实拢是家己想的
参考看觅