公视新闻网 https://news.pts.org.tw/article/692667
推观光.动保 猴硐猫公所成立."铜锣烧"做所长
发布时间：2024-04-29 19:15 更新时间：2024-04-29 19:40
https://www.youtube.com/watch?v=0-Z6IjFHujA
新北市瑞芳的猴硐，是世界出名的猫仔村，2021年开始，新北市动保处就成立“猫仔公所
筹备处”，遮的猫仔拢有户口，方便管理，今猴硐的猫仔公所正式成立，阁选出猫仔公所
的所长。
去予人结一个tsiú-tsiú，这只是拜一升官做猴硐仔猫公所所长的“铜管仔饼”。猴硐
仔的猫世界有名，遮也捌去予CNN拣做世界六大看猫仔的景点之一。2021年，新北市动保
处伫遮成立“猫公所筹备处”，将猴硐仔的野生猫仔入户口、做登记管理，也提供绝育、
医疗、认养等等服务。拜一猫公所正式成立，新北市农业局表示，希望游客毋但佮意猫仔
，也爱学习正确的互动方式。
新北市农业局局长，李玟表示：“希望讲咱游客、咱蹛遮的(村民)、咱所有的人佮意猫仔
以外，嘛爱来遮了解讲，按怎饲猫仔，佮猫仔做伙，上重要的是讲，咱爱认养莫放sak。
”
猴硐仔猫公所是新北市其中一个认养点，毋但是猴硐仔，其他所在若有适合认养的猫仔，
也会送来这爿予有兴趣的民众认养。新北市动保处表示，除了提供认养服务，动保教育原
仔真重要，这改公所成立，in嘛揣少年人团队合作，设立电子的导览装置，游客毋但通对
地图熟似猴硐仔的猫仔，也通透过趣味的操作，了解和猫仔互动时爱注意的代志。
梅鹿勇青年团队，郭武喾表示：“咱会当透过揤猫仔的方式，像讲咱揤猫仔的头抑是猫仔
的尾溜，或者是讲一寡其他的所在，伊无爽快，阮可能会显示一寡提醒的讯息，提醒民众
讲毋通按呢共摸，in可能会无佮意。”
新北市动保处表示，诚欢迎逐家来猴硐猫公所认养猫仔，毋过千万毋通来遮放sak猫仔。
in也表示，今年日本熊本县上天草市已经和瑞芳区签署交流协定，也指定来猴硐仔遮参观
，猴硐仔已经沓沓仔成做世界模范猫仔村，希望未来透过济济的交流和观光发展，提升动
物的认养率。
记者 刘芯瑀 谢季潾 新北报导
陈怡臻/编辑