Mandy话：台湾十好十不好 苹果日报
http://hk.apple.nextmedia.com/entertainment/art/20150729/19235350?top=4h
好多港人都想出走台湾，蒋雅文在当地生活了八年，在她眼中的台湾有好有不好。
【台湾十样好】
（1）台湾人好nice
当初自己去台湾，人生路不熟，台湾人好友善帮我度过好多无助时候，如果我系去咗人同
人距离远嘅地方，可能好多时候自己等死。
（2）为自己骄傲
台湾人有一句话：台湾虽然很美，但最靓的风景是人。
（3）价廉又物美
如果你𠮶排穷啲冇钱，可以好平食一碗面，港纸几蚊就可以食到。
（4）生活有尊严
台湾唔会用一把尺去量度乜叫成功，乜叫失败，只在乎背后嘅意思，所以台湾穷有穷生活
，但生活得有尊严。
（5）生活空间大
台湾面积大，每人分到嘅空间、空气都多啲，我希望有个健康、有氧份嘅地方，节奏慢啲
咁去生活。
（6）衣着多元化
就算今日着到七彩，只要自己开心就得，所以台湾人穿着风格多姿多采。
（7）有好多风景
喺台湾就算唔出国旅游，都可以兼顾心灵上嘅需要，唔使一定要张机票逃离烦嚣城市，有
张火车票就够。
（8）男仔较温柔
香港男仔我会同佢硬斗硬，最后两败俱伤，台湾男仔比较温柔，识得用婉转方法对付你，
所以我畀佢驯服咗。
（9）一家人生活
今年初接咗父母去台湾生活，喺香港我未必有资金完成呢个梦想，台湾生活费唔需要太多
，但心灵上好充实。
（10）同港距离近
因为长女，怕屋企有事时嚟唔切赶返嚟，台湾距离系我优先考虑，亦畀到父母安全感嘅地
方。
【台湾十样不好】
（1）容易一窝风
台湾容易对新事物感兴趣，对旧事物比较淡忘，所以喺台湾做生意比较辛苦。
（2）消费无得比
呢样冇得去强求，当然希望畀屋企人更好生活，但喺台湾赚取嘅劳力回报，未必同香港有
得比。
（3）男仔易满足
台湾男仔比较单纯，佢哋好易会满足，唔会好似香港男仔咁冲，所以我同老公有阴阳协调
感觉，我冲得太劲，佢会拉我一把，佢太hea，我会扯住佢走。
（4）味道差唔多
台湾好多好嘢食，但台湾人对台湾味非常钟爱，都系甜甜哋嘅酱，唔似香港有咁多异国菜
。
（5）做媳妇谂谂
如果要做台湾媳妇，𠮶边会比香港传统，要好好考虑呢点，呢代媳妇要妥协一吓。
（6）草莓扮光鲜
年轻人系草莓族，外表睇落好光鲜，但一压就扁，抗压性唔够，好多都挨唔到苦，约佢见
工突然no show。
（7）垃圾桶太少
喺台湾要你嘅袋够大，去keep住你𠮶日嘅垃圾，可能揾几条街至有垃圾桶，呢样真系唔方
便。
（8）好多电自行车
台湾好多电自行车，每架都有死气喉，空气质素真系非常差，自己要戴口罩，唔好吸咁多废
气。
（9）烧味唔好食
台湾好多烧味舖，挂念故乡入去食，但放入口真系失望，将我打入地狱感觉。
（10）女仔较虚荣
台湾女仔比较向往贵妇生活，好多高级下午茶，着重上身衔头名牌。好多台湾女仔好靓，
但武装出嚟就将自己冚住咗，觉得好可惜。