〈地图〉
半暝骑着乌都(禾黑) 归个台北直直挵
行三民路挵过民族民权民生
路名咧讲啥款主义早就袂记
但是犹搁有人咧想 搁有歌咧唱
挵过南京路对圆环倒弯重庆路
拄好行一摆怹当时转进的方向
听讲路尾 彼个政府走去一个岛屿
毋过汝看 怹的地址犹搁伫重庆咧
挵过长安路北平路 这马叫西安佮北京
跳过西藏路的流民 佮迪化街的内篱仔
是按怎遐尔利便 无需要一暝的时间
归片大陆所有省市 拢伫我的跤底
搁诚实奇怪 哪会拢揣无台湾路
嘛揣无独立街 搁莫讲自由路
行到天光进前的凯达格兰大道才知焉
原来遐的物件毋通出现伫怹的地图的