无
我反对废死
欲废死的人
一般会主张讲
这阵有死刑
犹是有人会犯重罪
所以死刑无法度产生吓惊效果
这个讲法若成立
按呢所有的刑罚佮行政罚(譬论交通罚单)
拢会当废掉矣
因为这阵有刑罚佮行政罚
嘛是逐工有人犯罪有人违规
敢毋是？
其实
欲共死刑废除
会使
爱有配套
为啥物有死刑？
因为这个人所做的代志
已经严重甲无才调教化矣
无可能阁予伊伫社会佮逐家斗阵生活矣
爱永远共伊对社会隔离
若欲废除死刑
上无
你爱先准备好终身监禁的所在
(无法度假释的彼款终身监禁)
这爱起新型的监狱
袂当予伊接触著别个犯人或者是管理员
无会真危险
因为伊确定爱关一世人
表现甲阁较好嘛袂当假释
所以无人管伊会牢
管理员会足危险
袂当予怹接触著管理员佮别人
爱一人关一房
这需要起新的监狱
敢准备好矣？
啥配套拢无
就讲欲废除死刑
这寡人若假释出来阁犯案
啥人欲负责？
这阵犹有死刑
就有人敢唱“杀1、2个不会判死”矣
https://tinyurl.com/8m68ftxw
若诚实废死
会变按怎？
这款代志敢会试验得？