: 我朋友年到了40岁 没一技之长 大学都在混毕业
: 　
: 然后毕业后就啃老到40岁
: 　
: 请问这个年龄的想加入职场该选什么工作? 去职训吗?
: 　
: 有没有什么路途可以给我朋友建议的呢?
: 　
: 职训的效果好吗
若是做兵抑是一直有咧食头路
到四十岁才欲学技术
会使去参加职训
因为这是单纯改途的问题
若大学毕业到四十岁
拢是爸母咧饲
阁参加职训就无意思矣
免浪费时间
因为伊已经佮社会脱节矣
食头路有两项代志爱面对
1.学做代志
2.学做人
第1项是上简单的
代志早慢拢学会晓
上艰苦的是学做人
真济人会辞头路
就是佮顶司抑同事袂合
咱一般人若拄著这寡代志
为著三顿
会想办法去解决
若诚实无法度
就忍耐、改变想法、接受事实等等
毋捌食头路的人
伊无长期训练
会真不满 会挡袂牢
磕袂著就欲辞职
尤其年岁有矣
凡势顶司同事比伊阁较少年
夆管夆骂会阁较艰苦
所以才讲免浪费时间矣
横直到四十岁犹免工课
表示厝内嘛无差伊的薪水
继续予爸母饲就好
啊若诚实有心欲振作
一步步来
先做较免佮人交陪的工课
譬论讲外送
抑是夜班保全
其实加减嘛爱佮人接触
只是讲相对较少按呢
先做半冬一冬
惯势了后 有领薪水矣
对家己有信心矣
欲继续做外送保全抑是去参加职训换头路
就会使矣
加油！