我颠倒感觉这阵无想欲结婚
是真正常的代志
较早是按怎一定会结婚？
因为农业社会查某人若无嫁
伫社会真歹靠家己生活
后来变做工商社会
其实查某人已经慢慢开始有法度靠家己食头路矣
只是讲拄对农业社会过渡入来
观念犹是受序大影响
犹是会急欲结婚
这阵无仝款矣
包括爸母在内
逐个拢是工商社会大汉的
妳有才调靠家己去上班生活
爸母嘛袂逼妳一定爱结婚
而且社会开放
免结婚嘛会当发生性行为
按呢除非妳想欲生囝
必须予囡仔一个家庭
才会考虑结婚
生活费 性
拢免透过结婚就会当满足
按呢这马的查某人袂真爱结婚
无意外