好精彩啊!!!!
我趁PTT死机的时候连夜煲剧，
看完觉得这部真的是水准以上。
网络剧拍得比黑帮电影仲好睇添。
其实煲剧煲佐咁耐，
一套剧真的只要搞定佐三样嘢就可以算系好剧：
剧情编得好
角色写得好
演员做得好
好似烧腊饭盒，只要叉烧烧腩烧鸭掂，
个饭盒就系水准以上，
呢套剧就系咁，剧情环环相扣，角色个个鲜明得嚟又有晒深度，
唔会一个角色前段后段不同人咁，就算条友变佐都会畀晒交代。
就算系演员都做得几好，
好多好耐冇见的老戏骨都做得好好。
有好多都系九零年代千禧年前后班老面孔，
一排冇见，ｄ戏又真系做得㖞，
就好似吴岱融咁，
我细细个都系睇佢做小生大嘅，
宜家睇番佢做ｄ比较old school嘅老叔父，又做得几好㖞，型到爆棚。
其他演员都交足功课，
尤其系招积哥(上网check之后先发现佢做过一路向西ge男主角)，
一个角色四个phase，个个都精彩。
总而言之咧，我睇得出呢套剧真系成班幕前幕后俾晒心机拍到ge作品，
其中有d政治嘢我唔系几钟意，
冇计，听讲呢套剧系有中资嘅，当然唔可以拉埋我啲英明神武的特区政府下水啦，
呢d我就顶唔顺啦，不过好彩政治洗脑ge部分都唔系几多。
导演就系"三五成群"的大王，"中仔"宋本中啦，
佢呢舖真系吐气扬眉!!早期佢系茄哩啡，
做过唔少角色但系都没咩机会上位，
例如"满清禁宫奇案"得花柳死埋ge同治弟啦，
"古惑仔"一开头少年样ge山鸡啦，
佢去做过最出位ge角色应该就系大王，
当年经典台词"你估X人老母唔使付出代价既咩?"好多人印象深刻，
但佢系台湾就冇咩人识。
今次佢呢套剧，又系导演又系编剧又系制片，
自己仲落嚟做番老临，
安排佐一幕打麻将ge戏，台上面四条友仔都系山鸡，
(陈小春系正宗山鸡、李灿森做过少年山鸡，中仔就系"古惑仔"开头ge后生山鸡，
梁烈唯之前果套好似喜爱夜蒲ge新版古惑仔鸭店新秩序，都系做山鸡)
就知道佢呢个导演拍戏真系落足心机。
总之就推荐俾本版ge女性朋友啦，
套剧系阳刚味重d，
但都几多靓仔可以睇嘅!!!!!!!!!