这篇是用台湾鹤佬话写个，
请各位用鹤佬语来唸，就会通。
无是干焦是电视尔尔，台湾本土语言个消失，是归个社会拢伫咧发生个代志。
讲实在个，我今年30岁，我的朋友当中，
会晓讲轮转的台湾鹤佬的侬。十个找无一个，汝看这有严重否？
而且，因为时代一直咧变化，有真济新个物件，
汝找无台语个词来对应，这项翻译的工课无啥物侬咧做。
免讲会晓写台湾鹤佬文个侬真诚少，连会晓讲的侬拢置北部嘛强欲找无矣。
我定定咧讲，置外口大家拢会共台湾华语(北京话)提出来用，
颠倒是家己个母语，见笑用，毌敢用。
为何用北京话来交谈，大家袂感觉足奇怪？
敢讲咱是北京囡仔？毋是台湾囡仔？
为啥物咱台湾囡仔提家己个母语出来讲，就是鹤佬沙文。
讲北京话，敢讲毋是北京沙文？？
为啥物这个社会个规定，拢爱照怹遐中国侬讲个去做？
怹中国侬对台湾其他族群个尊重，囥置佗位矣？