楼主:
s950260 (Frank)
2025-05-18 13:16:15厚酒啉mi t-tsu-uà-lih
我会晓啉酒是因为细汉食麻油酒练出来的。阿爹仔爱啉有酒味的汤，就按呢爱食麻油酒，
特别是汤搅烧饭，阁掺一屑仔豆油，见就是三碗起底，免配菜，菜自然就较iunn矣。
到甲大学四年仔，毕业设计若拼甲半暝，同学相招去食宵夜，就有人去公卖局的乌梅仔
酒来做伙啉，俗阁甜有够好啉。我是啉无碍著，毋过，总是有人脚数 见啉隔工见无法度上
课。“会晓啉酒”就予人认牢咧矣。
出社会食头路，公司的酒摊我是常胜将军。啥物死骨头酒都啉；啥物啉法出头规thôo-lah
-kuh；啥物夭寿所在嘛会当啉；佮啥人做伙啉嘛袂认人，只要是人就好。公卖局的矸仔麦
仔酒啥编号是佗位做的；啥物代号是酒头会加盖好啉；一箱有五罐都知空。你看啉酒啉甲有
偌gâu？独独外国酒罕咧啉，若啉嘛是焦啉niâ。
会记得头改去日本出张，头暗对方主管案内去khu-lá-buh啉酒。伊教我in日本人当咧时
行啉uî-su-kih的步数。讲彼名号做mi t-tsu-uà-lih。意思就是透水啉，比例在你透。
我就共讲这伫台湾的啉酒场行袂通，干焦个人享受会通。我共开破讲：恁日本人干杯是随意
；阮是咧拼酒，会计较啉济啉少。阁共褒讲：佮伊用这款啉法是咧享受。彼暝我啉著有茫，
因为感觉伫台湾啉的酒伤匪类阁讨债。
转来台湾了后，酒场文化改无法伊。毋过，家己有法度控制的都合，啉uî-su-kih定着
啉mi t-tsu-uà-lih，而且是透冰角毋是透水，我共改的。按呢，冰角沓沓仔溶，逐喙啉
著的uî-su-kih的滋味拢无仝，这毋才是啉酒。
一逝日本，啉酒的观念tsua nn改变。
注：
iunn：吃菜省一点。
例：饭爱加食寡仔，菜配较iunn咧。