【黄玉郎撑网络23条】称降龙十八腿已伸版权？市民：你问少林寺攞呀？
由16个业内团体组成的香港版权大联盟今日“晒冷”，喺中环一大厦举行记者会，推销
《2014年版权（修订）条例草案》，出席代表包括香港国际影视协会常务董事何伟雄、
国际唱片业协会（香港会）总裁冯添枝，就连香港动漫联会会长黄玉郎及漫画家刘云杰
亦有到场。
黄玉郎有冇二次创作触犯网络23条？今日fb疯传一张图，见黄玉郎嘅《王小龙传》个
cover，同Tony Jaa嘅《冬荫功》海报一模一样……此事数年前已于各大动漫论坛有人
讲紧，而且例子不胜枚举……
今午，记者会都未举行，已经宣布流会。系，系流会。事缘有自称热血时报的记者希望
入内，但遭大联盟拒绝。数十名热血时报成员到场要求解释，并称《热血时报》已作报
刊登记之纸媒，仍然被拒诸门外。主办单位报警，扰攘多时之后，大堂竟然熄灯！
黄玉郎今日有到场，表明支持条例。反对“网络23条”嘅“四眼哥哥”郑锦满于会场外
向黄玉郎质询，对话如下:
四:郑锦满 黄:黄玉郎
四:你自己都做二次创作，但你就支持网络23条
黄:(双手抱胸)呢个绝对唔系网络23条，你哋绝对唔好将一个天使，俾咗一个巫婆嘅帽
佢戴。
四:依家政府就系用网络23条打压言论自由
黄:(叹了一口气)绝对唔系
四:网络23条好容明经刑事去索偿，最严重嘅问题系随时都可以刑事化呀嘛
黄:(侧身不看对方)我哋话金庸先生嘅作品呢，我哋系俾被版权费嘅，我哋系有授权。
四:咁你其他漫画里面二次创作其他图片呢？你点样解释？
黄:呢个绝对唔系二次创作，呢个完全系一次创作
(有人插嘴): 降龙十八腿(《龙虎门》)都系(一次创作)？
黄:(不答，笑，拧转面)
(有人大嗌:“黄生你好嘢!”众人拍掌，黄玉郎自拍都拍埋一份)
(此时大会宣布记招取消，黄玉郎扬了扬眉)
黄:俾我讲一句，依家网络上嘅盗版呢，其实一路杀死紧我哋漫画界0架喇!
四:依家唔系讲紧盗版呀!
黄:依家直情系讲盗版!
四:依家系讲紧二次创作呀!打压言论自由呀!
黄:嗱，第一，绝对冇打压言论自由
四:网上嘅盗版问题，已经有相关嘅条例执行紧
黄:你唔系商业化唔侵权嘅，有乜嘢所谓啫？(指通过网络23条)
四:你自己啲作品侵权，你点解？
黄:我冇侵权呀，你有乜嘢证据话我侵权先？
四:我开图俾你睇!你都系一个创作人嚟0架
(在场人士指斥主办大单赶人走，痛斥“有冇良知0架你？”黄玉郎一点无奈)
黄:我绝对支持版权，你哋有乜嘢意见可以随便发挥，但我立场已经好清楚喇，我非常
支持呢个修订版权。
四:即系你公司以后唔会有二次创作？
黄:(拍拍他)得，你慢慢讲啦
(有人问黄玉郎:“招式会唔会改晒名？”)
黄:我有攞版权咪系创作囉
(有人再问:降龙十八腿使唔使改名呀？)
黄:唔需要，我有攞版权0架嘛(转身想走)
四:同边个攞版权呀？同少林寺呀？金钟罩又问边个攞版权呀？
黄:(走向另一边，向现场人士问)你即系有睇开漫画0架啦？冇你就行开啦，冇就冇权发
言啦。你哋有支持我嘅漫画，我好多谢你哋，但系今次我系绝对支持呢个好正确嘅
修订法案。我都希望大家用正面态度睇呢个法案修订，多谢你哋。
http://hk.apple.nextmedia.com/enews/realtime/20151213/54532576
我觉得老黄有黑历史就低调一点比较好
这分明是逼老读者把如来神掌拿出来嘛.......
难不成老黄真的有跟金庸买版权？