分享一下FB上
牛佬的作者话
只取一些重点
“牛佬的话”
bit.ly/2y02kBW
■依家牛佬个脑，已经不断困住某Ｄ重要角色嚟思考，睇吓点样交代佢哋嘅“后事”。
■完旧书，开新书！哗……呢个“交替期”都几系嘢！个脑，经常两边走，谂吓呢边，又谂吓𠮶边！吁……精神分裂咁滞！再加上呢轮出面新闻，全部都系关于疫情嘅消息，相当之“寡”，搅到成个思想空间都冇得舒缓。今匀，真系“困住嚟打”！
bit.ly/3e5YszK
唏！呼一声又到礼拜四勒！
■今期──终于讲咗立花正仁点解要同陈浩南嚟一场“生死决”嘅背后真相！嗯……唔知大家收唔收货呢？自己认为，勉强叫做可以。唯一感觉麻麻就系──有Ｄ论尽！
■当然，有Ｄ读者梗会话：“Ｘ！驶乜扭咁多无谓桥吖！边个杀边个，又或者边个‘队冧’边个，用鎗就搅掂啦！又爽快又合理！”嗯……都讲得啱！不过，其他老友记就未必钟意睇勒！系咪？
■其实，科技越发达，对我哋呢Ｄ“讲古佬”嚟讲，就越系吃力！唔驶话乜，剩系有咗手机可以影相又或者拍片直播，已经令到我哋剧情好多犯驳！冇计！个世界已经系咁！唯有……转吓思路！
■近排，依然好多老友记追问敝刊仲有几多期完结。嗯……真系唔敢肯定！因为，依家我乜都唔谂，剩系顺住去写，直至完结为止！但系我直觉──冇理由过到四月啩？真系要答……大概四五期左右啦！如果有出入，唔好诈型！
■哈！突然多口一句，同大家讲声：“唔驶执著几多期啦！总之，系呢一轮架勒！尤其系大结局前一期，实话畀大家知，OK？”