转贴自古惑仔吧
http://tieba.baidu.com/p/3986484711
“牛佬的话”
好，又到礼拜四咯！
■执笔呢刻嘅一晚，出咗去同人食饭倾公事，之后返公司，再之后就躝返屋企大教瞓！哗
……一瞓竟然瞓咗十粒钟！相当震撼，亦相当过瘾！由此证明，自己呢一轮系累得几交关
，直情系身心疲累𠮶只！
■不过，我个人又好怪架噃——越系身心疲累就越有满足感！即系话，已经形成咗“被虐
狂”呀！
■讲番敝刊，烟化台嘅“千人大战”直至而家，粗略计算，都有成十六七期咯！嗯……都
系时候转吓阵势！唔系嘅话，好似太过唔似“写书”！咁——大家记紧睇实下期咯噃，会
有颇大转变！
■有Ｄ老友记可能已经呱呱嘈：“呢场大战咁快完？打耐少少啦！有Ｄ对打，都未入戏肉
㖞！”哈哈！梗系未有咁快完！只系呢个转变，系成坛嘢嘅转捩点，唔系嘅话，成场大战
……收唔到科！
■讲开“千人大战”，又谂起另一个话题——就系唔少老友记诈型，近期敝刊剩系打，冇
乜文戏！哈哈！呢点大家绝对可以放心，牛佬会两边兼顾——打戏只系顺应市场，文场先
至系我喜好！既然系自己喜好，又点会消失呢？所以，钟情文戏嘅老友记，淡定！至于钟
意打到七彩嘅老友记，亦都可以放心，“文”得多，自己都闷，总会郁番几招架嘛……系
咪？
哗！冇晒位勒！我哋——
下星期一见！
■借少少位，讲番“重生”𠮶坛嘢——耀扬仔投票输咗，但系牛佬依然推出耀扬嘅后代，
某Ｄ读者即时诈型话我“奸茅”！嗯……又会咁谂嘅？我喺度再讲一次：“推出耀扬后代
，唔会系耀扬个样！”咁，照计同“重生”无关！系咪？