https://www.hk01.com/
喺香港拍剧，基本上只有一间可以拣，鬼叫另外两间免费电视台唔争气咩，演员除咗
北上寻机会，仲可以同TVB有着千丝万缕关系嘅邵氏。最近又流出邵氏新剧介绍，剧名叫
《守护神》，有黄宗泽、苗侨伟同刘心悠，揾来万绮雯老公鬼才编剧陈十三担任编剧，系
一套36集嘅现代商战片。就咁睇阵容真系几吸引，仲话去欧洲、东南亚，香港内地全球取
景添，同内地爱奇艺合作，制作费真系松手啲。
之前黄宗泽同陈嘉桓分别放咗一啲，喺布拉格拍摄时嘅侧拍照，仲见到女主角刘心悠
以短发造型现身，好有新鲜感。睇Bosco同三哥斗智斗力本身系值得期待嘅，不过睇完内
容简介就有点却步啦“国内首次以保险理赔员为视角，追查保险事故真相……”咦，内地
？乜呢套唔系香港电视剧嚟？会唔会讲国语？不过大家担心都系言之尚早，事关睇番之前
嘅合拍剧都系内地播先，香港观众想睇呀？等下先啦。