离巢廿年!张衞健亲揭重返无线三大原因
创造过不少收视神话神、演活《西游记》孙悟空的张衞健,离巢无线逾二十年后回巢“母
校”拍摄台庆剧《大帅哥》。下午无线隆重其事在尖沙咀举行“欢迎张卫健回巢贺寿”,
并举行参演《大帅哥》”签约仪式,张衞健拖着两大高层曾励珍与乐易玲行红地毡进场,
随后在台上挥笔进行签约仪式。
签约似娶两个老婆
张衞健随后将记招变成Talk Show,有笑有泪。司仪问乐易玲对张衞健回归有什么感受?
她说:“当然嗱嗱声签,上一次咁隆重签字就系同老公结婚。”张衞健笑说:“我当年结
婚行红地毡都系得老婆一条女,今次有两件。”曾励珍笑说:“两条阿婵(婶)。”张衞
健则大卖口乖赞她风韵犹存。
张衞健续说今次返无线有三个原因,都是围绕一个情字,他说:“第一,今年系TVB五十
岁,非常重要嘅一年,我嘅演艺生命系呢度在诞生,系呢度茁壮成长,展翅高峰,虽然唔
算飞得好高,但出去都无丢架,要感激母校。”
答谢香港观众
张衞健指第二是要多谢香港观众,虽近二十年工作重心不在香港,但每次返港工作都获得
香港观众的欢呼和掌声,饮茶也不用排队等位,观众又追问他何时返港拍剧,所以希望为
香港人拍一部剧,回馈香港市民,张衞健表示:“第三个原因系为咗感谢生命中其中一位
重要嘅女人珍姐,珍姐睇住我长大,佢连我TVB沟过几多条女佢都知,但系佢从来无逼我
回巢,今次系重大日子,佢亲自邀请,就二话不说答应。
张衞健又讲到倾谈片酬过程峰回路转,曾励珍笑说:“使乜倾,信我咪得!”他指对方开
价时自己“吓”了一声,但曾励珍指价钱已很高,他惟有说“哦,咁好啦!”曾励珍对与
相识30多年的张衞健不计酬劳回巢感动不已,更愈说愈激动哽咽,场面感人。
https://goo.gl/g9HQHM
记招尾声张衞健突然严肃起来,讲到当年离巢往事,他说:“今日如果阿sir(指邵逸夫
)喺度,好想同佢讲拍完《西游记》唔续约,的确系因续约价钱唔啱,今次再返嚟TVB并
冇计较过一分一毫,希望佢老人家高兴,观众亦睇得开心,画上完美的句号。”
张衞健受访讲到曾励珍感动得哽咽,他表示:“系好感动,系呢个功利社会好难合作唔计
较金钱,自己唔计较都要为公司着想,做到要天时、地利、人和,首先自己要有唔计较嘅
心,唔计较拍剧半年,冇得做其他工作嘅真正损失。去到呢个年纪,我觉得唔计得咁多,
离开咗20年其实不断有人揾我,但系今次唔同,系50周年,呢个机构同香港息息相关,冇
呢个机构自己亦入唔到行,观众睇住我长大,我同香港嘅观众系有一份感情,同埋咁多年
自己有个心愿,好想用广东话去拍一套戏(剧),但系咁多年嚟大环境都冇机会。”
讲曾励珍一度哽咽
张衞健指今次若果不回巢,将来亦未必有下次,他说:“下个50周年,我有心都冇力啦,
今次唔返将来都唔会返,今次嘅决定系经过深思熟虑。”张衞健早前笑言回巢条件是曾励
珍参与演出?他笑说:“我讲啫,佢睬我都傻啦,佢家依家系助理总经理嚟。”
张衞健与“母校”讲心不讲金,问到有没有争取其他条件?他说:“倾完题材之后,我就
同监制讲我需要瞓觉,老人家唔攰得,咁耐冇拍都想有个最佳状态,唔想每日瞓两个钟,
同珍姐讲想有十个钟休息,珍姐话吓?我同监制倾吓先。监制话得,不过要拍半年,到我
话吓?就咁倾咗拍半年。”此外,剧集的女主角由蔡思贝担任,其他演员有洪永城、曹永
廉、徐荣、谭凯琪等。
https://goo.gl/nqTa4m