https://goo.gl/t4rq40
来源：香港苹果日报
大家仲记得嘛，喺不久之前，无线为观众上映咗一幕世纪之吻，唔系因为经典，而系因为咀𠮶两个人加埋有109岁，讲紧嘅系52岁黎耀祥同57岁毛舜筠喇！但呢个世纪之吻好可能唔会再有得睇，因为《爱．回家之八时入席》将会喺明年1月散席，呢个月中煞科。
虽然早前有传毛舜筠同剧组唔系太配合，结果喺无瘾嘅情况下，向曾励珍请辞，唔肯续约添食！不过话晒系专业嘅演员，又点会俾呢啲嘢影响工作，烂尾收场？
而喺大前晚9点左右，一班演员就去到中环摩天轮拍戏，拍摄一场好浪漫嘅圣诞节戏，主角当然就系世纪情侣黎耀祥同毛舜筠啦，佢两个主角拍谈情拍拖戏，两个喺浪漫气氛下，边行边倾，当大家都好期待109岁嘅世纪之吻，哎，再一次失望喇，因为呢场戏佢哋两个冇钖，真系浪漫变浪费。
话晒摩天轮系一个景点，当然有唔少人去现场游览喇，再加上有明星喺度拍戏，所以现场吸引咗唔少人围观，剧组方面都有晒安排，出动吊臂喺高空拍摄，唯一最大嘅问题，系现场太近海边，时不时吹起大风，吹到啲演员啲头发乱鬼晒，不过大家都冇理，继续争取时间埋位拍摄。著晒圣诞衫嘅汤盈盈，唔驶埋位见𠮶阵，好叹咁坐喺度食嘢，唔知真系以为佢开紧party！
———————————————————————————————————————
老实说这是最无感的一次配对
都在看Terry