出发啦！滕丽名孖“奶奶”揾《老友记》
09月07日(三) 10:59
【on.cc东网专讯】 无线电视剧《一屋老友记》完咗之后个个都好唔舍得“宝家”，不过
迟啲就有机会见番佢哋，因为佢哋去台湾拍旅游节目呀！早几日“老窦”刘江、“大宝”
欧阳震华、“三宝”张颕康、“三嫂”吕慧仪、“细宝”张彦博仲有“依兰”罗兰BB就率
先出发，而“二宝”滕丽名虽然喺剧中同“野蛮奶奶”卢宛茵唔啱牙，但喺剧外就梗系冇
婆媳纠纷，呢日仲终于一齐飞去台湾会合“宝家”喇！
滕丽名喺微博上载咗张同奶奶嘅合照，虽然阿滕就戴咗口罩，但都Feel到佢有几开心，佢
留言：“我和奶奶来了，宝家精神，威猛过人，六神合体！”虽然唔知佢讲紧“六神”系
边个，因为都唔止咁少人噃……点都好啦！真系好期待佢哋嘅节目出街呀！
“宝家”无论喺剧内剧外相处都好融洽，佢哋喺微博都成日传情，好似阿滕又会叫“等我
呀～大哥”，就知佢哋有几咁close啦！
http://goo.gl/oeSZ8o