【权斗牺牲品】效力卅载 《亲亲》监制关永忠承认“辞咗职”：我未揾工
http://s.nextmedia.com/realtime/a.php?i=20160519&s=7018882&a=55122670
（歹势，手机没办法缩网址，之后再改）
【权斗牺牲品】效力卅载 《亲亲》监制关永忠承认“辞咗职”：我未揾工
2016-05-19 20:30:00 HKT
监制关永忠话辞职要6个月通知，所以0依家唔揾工，迟啲先算！
今日有消息话无线监制关永忠监制既《亲亲我好妈》，有指因剧本同埋高层权斗问题，突
然要“停厂”4日，对于秒秒都系钱嘅大台嚟讲，真系好大件事；而呢只镬，亦一定要揾
人孭，结果有传关永忠接到大信封后，大台下旨叫佢低调处理，话叫佢出去同人讲系自己
“请辞”，唔系“被辞”。
关永忠今日接受传媒访问时，佢承认自己辞咗职，问到佢系咪做得唔开心？佢话：“呢个
有啲影响，我喺无线差唔多做咗30年，个人都攰，我未揾工，亦都冇谂后便啲嘢，因为辞
工要6个月通知，过多几个月先去考虑其他嘢！”
但系有传关永忠今次离职，系同停厂事件有关，佢就话：“冇人同我提过呢样嘢，我到今
时今日都冇超支，个期亦都唔系over好多。我都讲过好多次，停厂停外景成日都有，上一
套戏都试过，好似要撘景，演员要休息或者调动成日都有，其实系煲大咗啫，我都唔知点
解。”
讲到个剧本有问题，关永忠就话：“呢样嘢好个人。就算我同演员去睇都有差异。我谂出
嚟嘅时候等大家去睇，到时睇成绩表咪知。自己话叻晒都系冇用。”
查实大台嘅层斗争都已经唔系新鲜事，不过关永忠话：“其实个架构都定晒喇，我哋都系
under佢(珍姐)，去到最尾系帮TVB打工，TVB出嘅粮，佢系我老板；我哋都系打工，都系
跟住公司方向做嘢，上头有乜嘢指示，咪做乜嘢囉！”
不过几时都系得宠嘅人做嘢方便好多，关永忠就话：“唔受咪努力啲，我好少同老板打交
道，多一事不一事，收得人工系帮公司解决问题，而唔系交问题俾公司解决，由梁家树到
0依家都系，可以解决得到嘅都由自己解决。”
关永忠系无线高层梁家树(左二)爱将，梁家树走后，关永忠俨如遗孤，就连曾励珍都唔出
手保佢。
关永忠同阿姐一样，都系喺大台做咗几十年，算系老臣子！
没完没了的权斗
杜之克与余咏珊同一阵线，且深受李宝安器重，两人联手对抗真系曾励珍。