黄翠如、洪永城、唐诗咏同萧正楠呢个关系，近日就因为一张拖手相，搞到网民写文章出
嚟，叫《我谂每个男人心里面都有一个黄翠如》，
全文如下：
“我谂每个男人心里面都有一个黄翠如
有啲男人头，有啲乱黎，你同佢好Friend
会一齐食饭 一齐宵夜 一齐去旅行
但系永远唔会挞著
“你同佢好似总系有啲莫名嘅共鸣
人哋永远会以为你哋系一对
但你心里面知道根本无可能
当朋友问到
你通常都答：X，系有D好感，但系当佢系friend嚟0架咋。
“但系问心
你系有少少钟意佢
但你亦知道
佢系完全唔钟意你
“你哋都好享受呢种感觉
一种好似男女朋友咁亲密 但系完全无男女朋友责任嘅感觉
“直到一日黄翠如同萧正楠喺埋一齐
你会发觉：‘X！原来我好钟意黄翠如呢条八婆’
“但系好可惜你已经失去左一百次同黄翠如一齐嘅机会
你只好系成班friend面前继续同黄翠如扮好朋友
得闲串下佢，佢得闲，佢得闲又会串番下你
但系你两个都知 其实有啲嘢系唔同咗
难得有一次工作上嘅机会
你可以再同黄翠如手拖手。。。
隔咗一两日
你睇番报纸
见到张相
你微笑
你流泪 。”
而因为呢一段文，网媒蔓珠媒体就出咗一段以翠如BB角度出发嘅文章，叫做《其实，每个
女仔心目中大概都会有个洪永城》，全文如下：
“人越大越发现成班八婆一齐就好多是非，
有时同男仔做朋友简简单单仲开心，于是你同佢开始变成特别friend嘅兄弟，
就好似《我可能不会爱你》嘅李大仁同程又青咁。
两个人出双入对，到身边嘅朋友都惊讶：‘下？乜你哋仲未一齐？’
“有一刻你谂过，你哋究竟仲系唔系普通朋友咁简单，但见佢冇乜表示。有次倾起择偶条
件，佢嘅理想型同你差十万九千里咁远，‘温柔体贴、贤良淑德，最好就识煮嘢食’。你
自问自己十分粗鲁，煮嘢食㖞，唔炸烂个厨房都偷笑。的确佢系对你特别好，但都系唔好
谂咁多，人哋要追就一早追咗。
“洪永城知道咗你同萧正楠一齐，一如以往地耻笑你：终于有人要嗱？不久之后，佢都有
个唐诗咏，你个心有少少唔舒服。你开始明白一样嘢，呢个人系你心目中，总系有一个特
别嘅位置，唔能够被任何人取代。你选择停留于呢种关系，可能系因为习惯，亦可能系因
为唔想失去、唔想受伤。
“情节嚟到呢度，《我可能不会爱你》嘅李大仁同程又青兜兜转转，发现其实自己钟意对
方，最后都系大团圆结局。不过咁戏剧化嘅野就只会喺韩剧、台剧发生，现实又有几多对
李大仁同程又青。有样嘢比friendzone更加一去无回头，叫 brotherzone。
“有人问咁样算唔算收兵。哈，谂谂下其实佢都几似你只兵。但同时你自己都做紧佢只兵
，一句‘喂今晚饮酒’，就随传随到。呢个时候你会得啖笑，兄弟呢家嘢，你识条毛咩。
”
而喺两篇完全由网民操刀嘅文章出现之后，黄翠如都亲自写咗编文章，全文如下：
“每个人心里面都有对黄翠如同洪永城 太平实普通 太易代入
有点嘈 有点吵 你哋好friend
一齐嗌交 一齐讲心事 一齐去旅行
但系永远唔会挞著
你哋好似总有啲无名的共鸣
人哋永远以为你哋一对
但你哋心里面知道无可能
当朋友甚至亲人问起
黄翠如回答：我钟意阳光型运动型感性型开朗型活泼型总之不是洪永成个臭八公型
洪永城回答：我钟意阳光型运动型性感型开朗型活泼型总之不是黄翠如个臭八婆型
“你哋好享受呢种互相欺负的感觉，你哋更加习惯咗，大家手拖着手互相扶持行过红地毡
然后有一天，洪永城说，他已经找到他的她，要松开手先上台
黄翠如有点感性，送上祝福
然后，黄翠如继续一个人在红地毡上走呀走，有一天，她跟洪永城说，她好像也找到了她
的他。
洪永城说：乜自闭都会拍拖？
“难得有一次工作上的机会 黄翠如同洪永城手拖手……
隔咗一两日
见到张相
心中比微笑和流泪更多
我们都很想用所有的心去祝福大家：走完红地毡，台上的路，希望你/妳走得更加好。”
http://0rz.tw/4oFP