http://hk.apple.nextmedia.com/enews/realtime/20151001/54268141
采访、摄影:Miki、欣宜(苹果日报)
以前大台小生花旦拍拖,总系要收收埋埋,就好似黄宗泽同胡杏儿、郑嘉颖同佘诗曼咁样
样,要等到陈豪陈茵媺呢pair公开晒,杨怡同罗仲谦呢对,介乎认同唔认之间;钟嘉欣同
伍允龙直头惨猪到,分咗手都唔敢认。
等咁耐,先等到陈凯琳同郑嘉颖(又系郑嘉颖)呢对“父女恋”公开(其实仲有宋熙年同陈
智燊0架!)然后百花齐放,好似今日咁,就有“处女党”成员岑丽香,同外国返嚟、拍
拖半年嘅圈外男友(六呎高)向将军澳嘅街坊高调宣布恋情,由扫背到十指紧扣到车厢激吻
,大家想像到同想像唔到嘅画面都有齐。难得是香香接受传媒访问时,亦落落大方承认。
当头条热话唔再系陈凯琳同郑嘉颖(依家最新发展系洪永城介入!),而系有剧上紧嘅岑丽
香嘅时候,咦,喺台湾忙紧拍电影《泡沫之夏》嘅罗仲谦,今晚同杨怡喺香港人聚集嘅饶
河夜市拍拖拖㖞!想抢fo?
话说今晚(1号)10点45分左右,杨怡与罗仲谦,同行还有两女子一齐。当时杨怡就买紧猪
肉干,罗仲谦就企喺安全距离,默默守候。众所周知,饶河夜市好多香港人0架啦,两人
当时又冇戴口罩,冇戴超,身穿白Tee,杨怡仲化咗淡妆,真系想认唔到都几难㖞……
早前罗仲谦返港出席活动时,先至话中秋节要喺台湾过,又陪唔到8月生日嘅女友庆祝,
依家杨怡成个人飞埋过去台湾,人月两团圆。
留意番,𠮶次访问,谦仔话近年都积极工作挣钱买楼,只要天时地利人和,就会结婚。当
时记者问到对象是否认定杨怡?有冇正式求婚?罗仲谦话:“你们写我会心微笑啦!”
拿拿拿,系咪有嘢要宣布先?