做歹代志敢有报应？
其实这是事实问题
有就是有 无就是无
无关咱主观上欲信无
所以真正值得讨论的是：
若(假使)有
咱敢有能力觉察著报应？
按呢一定有各种答案矣
毕竟受着个人条件佮环境互动的结果无仝
逐个人觉悟程度嘛会无仝
所以你会发现
假使真正有报应
无法度觉察著报应阁选择毋信的人
其实嘛无算无理性
因为伊本来就无能力去相信报应
而且佮相信报应的人来比
伊造业阁受恶报的风险一定较悬
因为上无爱先觉察、知影有报应矣
才会当较有意识佮动力去防止家己造恶业
以上是理性的推论
简单讲：
1.假使无报应
毋信报应的人无食亏
2.假使有报应
毋信报应的人就害矣
就是按呢尔 (≧ω≦)/
毋信报应的人
除非有其他内外力量来约束他做歹
无当伊主观上认为做歹嘛袂夆处罚时
不排除就会为自身利益来犯罪矣
就算是小利
为著自保
个人会尽量避免佮毋信报应的人伤接近
我会惊 (^ ▽^ )