: 如题
: 如果未来脑神经技术与仿生肉体技术普及
: 可以将人的灵魂意识与身体交换
: 你可以客制化女生的身体与灵魂
: 就像去百货公司
: 货架上有着各种灵魂供你选配
: 灵魂来源就是意外往生者的脑神经残留意识
: 那么问题来了
: 18岁的肉体，外貌随便你选择制定
: 那有一天你想选配灵魂的时候
: 发现其他年纪都缺货
: 只剩下8岁跟80岁可以选配
: 你会怎么选？
因为人会惊死
所以在生时若破病
会揣医生治疗
等到欲面对人生终点-死亡
嘛希望会当继续活落去
只是确实是老甲袂振动矣
所以会希望有一个超越肉体的灵魂会当继续转世
全世界大部分的宗教拢是按呢主张
讲人死以后有灵魂继续活咧
这我个人拢尊重
宗教信仰自由
若我是信佛教
我的信仰共我讲无灵魂
人只是五蕴暂时的组合尔
毋是永远存在的
就敢若车仝款
事实上是零件的结合
“车”只是一个名
零件拆开就无车矣
五蕴是色受想行识
色：肉体物质
受想行识：心理活动
五蕴不管时拢咧变化
所以“我”佮“车”仝款
事实上“无我”嘛“无车”
色毋是我 受想行识嘛毋是我
其实无我
差伫讲五蕴结合的时会造业
遮的业伫五蕴崩解了后
会根据因果法则继续佮新的身心结合
阁是新的一世矣
所以无我 而且阁有轮回
毋是灵魂咧轮回
是业咧转世
业毋是固定不变的物件
就敢若昨昏食歹腹肚
今仔日落屎
其实讲起来昨昏食歹腹肚的彼个五蕴
佮今仔日落屎的五蕴已经毋是仝一个我矣
只是因为记持相续
所以咱会掠做是仝一个我伫昨昏食歹腹肚才今仔日落屎
若一个人干焦会当维持五分钟的记持
就袂出现这款误会矣
伊干焦会奇怪讲我这马哪会落屎？
所以今仔日落屎这个结果
敢是灵魂造成的？
当然毋是 佮灵魂完全无底代
只是有昨昏食歹腹肚这个原因
因果法则咧运作尔
转世就是按呢
有过去世的五蕴造业
就有未来世的五蕴出现
轮回是业的因果咧流转相续尔
修行就是咧修这
目标是欲予家己莫受贪瞋痴影响一直造业
就有机会会当涅槃
免阁轮回矣