其实这佮我所学习的佛教较无仝款
我学的是原始/早期佛教
重点是缘起、无我
咱人只是各种因素暂时结合的现象尔
这生结束就无矣
无灵魂这款物件
所以转世毋是灵魂咧转
是咱在生时
因为无明(无知)的力量
予咱产生各种贪瞋痴佮造业
所以这生结束以后遮的业力会阁继续去佮新的身心结合
有可能变做人
嘛可能是猪 天人 饿鬼 地狱等等众生
佮过去世是业的继承关系
毋是仝一个我矣
破除“我”是佛教足关心的代志
因为咱误会有“我”
才会起烦恼
才会轮回不断
无论这个“我”号做啥物名
灵魂、真我抑啥
拢佮佛教教义冲突矣
所以你讲的转世
若是讲一个人一直保持仝一个精神主体/灵魂
只是换肉体
这我就真正无法度解说矣
同时因为我犹伫学习
所以虽然无法度理解
嘛表示尊重