公视新闻网 https://news.pts.org.tw/article/735665
南鲲鯓代天府抽出国运下下签 经济、政治搪考验
发布时间：2025-01-29 19:15 更新时间：2025-01-29 19:48
李晨宇 / 地方报导
https://www.youtube.com/watch?v=4NDLYEA_QQk
正月初一济济信众拢出外行春，各宫庙嘛准备钱母来予逐家一个好彩头。台南市的南鲲鯓
代天府今仔日抽出蛇年的国运签，庙方认为，字面上是下下签，咱的经济参政治可能会牵
连着，就爱旧历六月了后才会沓沓仔变好。（此则新闻标题、内文为台语文。）
台南南鲲鯓代天府正月初一抽国运签，今年抽第二支签，连绁五个象桮在在，庙方抽出第
54首，虽然佮八年前仝款是“下下签”，毋过庙方解读，经济参政治可能会寡牵连，嘛会
搪著一寡考验。
南鲲鯓代天府董事陈文贤讲：“若以顶半冬来看会较辛苦，签诗嘛是咧讲个人嘛爱去扞，
一重江水一重山，一爿是山一爿是水，你欲行山路抑是行水路拢爱家己撙节。”
南鲲鯓代天府总干事侯贤名讲：“不管按呢咱的国运、民生、经济，只要透过百姓全国来
努力，咱台湾的经济一定是赞的，著毋著？”
庙方讲，虽然这支签看起来无盖好，毋过各有解读，IN嘛讲对年中开始，经济会渐渐好起
来，一直到年尾咱的经济会进前较好。新正年头，有的庙特别sak出无仝款的钱母，像台
湾府城隍庙特别攒限量666份的66箍钱母，欲予人添财气；若县城隍庙是以较少流通的20
箍银角仔，提着人逐家拢欢头喜面。
民众讲：“今年拄仔好相蛇，想讲有这个活动，所以才对台北落来讨钱母，求一个好财运
按呢。”
台湾府城隍庙主委郭荣哲表示：“今年(蛇)生肖第六个，排第六，咱用钱的金额来表示这
个意象，想讲蛇年会当六六大顺。”
正月初一是新年的头一工，真济民众拢趁好天出外行春。众人祈求新的一冬拢顺顺利利。
曹咏涵/编辑