公视新闻网 https://news.pts.org.tw/article/734323
台语家庭oh经营 板桥台语共学团交流经验
发布时间：2025-01-18 19:15 更新时间：2025-01-18 19:43
郭柏均 林郁凯 / 新北报导
https://www.youtube.com/watch?v=VZhQ07Akclg
有一个踮新北市板桥的台语共学团，到今已经成立第5年，有几十个台语家庭，每个月拢
会有聚会，毋但予台语家庭的囡仔，有交台语囡仔伴的机会，也予家长互相交流，按怎经
营一个台语家庭。（这则新闻标题、前言、内文为台语文。）
大人囡仔唱歌：“我伫遮真欢喜，我伫遐嘛欢喜，我伫任何所在拢嘛真欢喜，欢喜。”
大人伫台顶，tshuā囡仔斗阵唱台语囡仔歌。
“来，线这，犹阁有彼个黏布。”
现场也用台语，tshuā囡仔共纸拗做纸砲，这是母语团体举办的共学活动，现场有济济台
语家庭的大人囡仔参与，用台语交流，真济人拢感觉真心适。
台语家庭家长李先生：“就想讲自细汉就有台语的环境，嘛揣一寡囡仔姊、囡仔兄，会当
做囡仔伴。”
台语家庭家长游小姐：“阮细汉就是拢讲台语，佮阿公阿妈嘛拢讲台语，就是足四常，毋
过囡仔一离开厝里，去外口，就拢接触拢华语的世界矣。”
一寡家长有心欲经营一个台语家庭，但是定拄著困难，亲像毋知济济华语词的台语通按怎
讲、抑是按怎面对亲情朋友对台语家庭的质疑。母语团体希望透过共学团，毋但予台语家
庭的囡仔有交台语朋友的机会，家长之间也通互相交流。
共学团发起人/台语路podcast台长阿蓉：“伊若是想欲对囡仔讲台语，抑毋过囡仔可能较
细汉、抑是较大汉、抑是已经伤大汉矣，伊烦恼讲囡仔会毋愿接受的时阵，会使按怎来做
。”
这个共学团对2020年成立，对一开始只有零星几个台语家庭，到今经过5年，已经有20~30
组家庭，捷来参加台语共学团聚会。发起人之一阿蓉希望，透过这个共学团，通予台语家
庭的家长，有机会分享经营台语家庭的经验，予台语家庭的团体阁较活泼发展。
张曼亭/编辑