相信
无明->贪瞋痴->造(意)业->造(身口)业
无明是咱上深的无知
转世进前就有矣
这个力量予咱接触世界的时阵
会产生贪瞋痴的心
贪瞋痴的心一出现
就可能造意业矣
对意业阁变做造口/身业
譬论讲你看着冤仇人上爱的物件：
1.目睭看(接触)著物件
2.认出这是冤仇人的物件
3.起瞋心
4.想欲共摔歹(造意业)
5.真正提起来摔歹(造身业)
对4开始你就造业矣
现世报就是你袂爽、血压随冲悬矣
若心血管有问题凡势就中风矣
对方看着你咧摔
袂爽 佮你相拍
你受伤嘛是业报
就算讲对方无当场掠著
你仝款会受着业报
因为业力咱看袂著尔
伊袂消失
有人会讲
啊对方就毋知
哪有业报？
若照缘起理论
每一个现象拢有原因
嘛有结果
咱拢伫因果网络顶悬生活
拢连牢的
所以就算对方无当场看着
你造的业一定有业报
一定会有报应
就敢若早期若共人讲量子斗缠
讲两个粒子隔真远犹是有连结
嘛无人欲相信
非佛说
参考看觅
ps.修佛就是修第3点
去观察家己身心状况
按呢贪瞋痴的心一出来你就随知矣
就有机会化解
袂去造心口意业矣