两冬前
我饲16年的宝贝往生矣
这项代志予我对人生想法改变真济
嘛因为按呢开始接触原始佛经-阿含经
进前虽然老矣
犹阁会当正常行路食饭
到欲走前一暗
煞雄雄爬袂起来
半暝因为尿放甲规身躯
我紧共换清气的
伊就覆咧遐看起来足忝的
我想讲伊可能欲走矣
就共讲感谢你陪我十几冬
你放心去
我会过了足好
免烦恼爸爸
隔顶工早起七点阁看着伊
目睭已经褫开开
注意共看腹肚犹有咧喘
我就紧敲电话予兄弟姐妹
google佛经放予听
过无偌久就往生矣
规家伙哭甲
自细汉就予阮老爸对公园拾转来开始饲
拢已经当做家人矣
所以看着这篇新闻
感觉真合理
正常
拢有感情矣