对极恶质的人来讲
“有教化可能”佮“有着头奖可能”
仝款意思
就是一款理论尔
事实上已经接近无可能
敢会有人因为小明有着头奖可能性
就先共奖金予伊？
先等伊诚实著头奖矣
才予伊钱
嘛犹会赴
结果咱竟然因为这个恶人犹有教化可能性
就诚实免判死矣
这敢袂伤譀？
上无你嘛先证明已经教化成功矣
诚实做会到矣
毋是理论尔矣
才来讲莫判死
按呢毋才合理
是讲小明若无著头奖(想嘛知影袂著)
阁会当向决定先予小明奖金的人讨钱
若免判死结果恶人转来社会阁再犯咧？
啥人有才调负责？
奇怪
是按怎讲恶人有教化可能的
拢免为著恶人再犯来负法律责任？
这制度敢袂伤奇怪？