公视新闻网 https://news.pts.org.tw/article/716653
吴晋淮音乐纪念馆 8主题展示台语歌黄金岁月
发布时间：2024-09-26 19:15 更新时间：2024-09-26 22:33
https://www.youtube.com/watch?v=KXI7OFIjGXI
当代台语歌曲创作人吴晋淮，写过〈关仔岭之恋〉、〈可爱的花蕊〉，拢是台湾本土的经
典歌曲。吴晋淮的古厝嘛成做音乐纪念馆，市府毋但做建筑整修，连内面的展览内容嘛重
新调整。策展单位这改设计8个主题，透过道具佮情境布景的设计，欲提供逐家一个浸水
式的体验。（新闻标题、导言及内文皆为台语文）
（NS: 岭顶春风吹微微）
拍开曲盘的屉仔，当咧唱的是的经典作品〈关仔岭之恋〉，恬静的三合院当咧展出各种古
早物，遮是当代台语歌曲创作人吴晋淮的古厝，讲著伊的名，少年辈真生疏，不而过伊的
歌曲定着听过。2005年遮公告成做历史建筑，后来变做音乐纪念馆使用，这回阆七冬内面
阁重新调整，欲予人进一步通认捌。
南台科技大学视传系主任 黄綝怡：“内底有伊捌用过的家具设备，伊上爱的吉他，阮嘛
有囥咧内面，阁有伊的衫仔裤。就是予这马的少年人，毋是拢一日到暗拢看彼种多媒体科
技的物件，怹会当去感受彼咧时代，逐个人去沉浸伫生活内底的感受。”
设计总监 曾堂闵：“阮希望民众会使留落来，会使沉浸伫气氛内底，所以我逐间拢有设
计会使予人坐的椅仔。”
伫逐家共医生当做是梦想的时代，吴晋淮煞真迷音乐走去日本学习，1953年伊参日本人，
组成拉丁三人组合唱团，开创无仝的音乐风格，嘛到各地去巡回演唱。1956年是台语流行
歌的天下，伊一生计总创作两百外首歌，嘛捌指导过黄乙玲佮洪荣宏等人，对母语歌曲贡
献真济。
台南市文化局长 谢仕渊：“透过吴老师的故居，伫这个环境，共吴老师的一世人所做的
代志，伊对台湾早期流行音乐的影响，会当伫这个纪念馆当中，阁共这件代志讲阁较清楚
。”
音乐是吴晋淮一生的寄托，伊嘛替台湾歌坛留下珍贵的记持。9月28文化局欲伫纪念馆的
广场办音乐会，嘛予逐家斗阵见证伊伫台语歌的黄金岁月。
记者 李晨宇 台南报导
唐嘉良/编辑