公视新闻网 https://news.pts.org.tw/article/704476
国中办文化体验活动 tshuā学生认捌布袋戏文化
发布时间：2024-07-11 19:15 更新时间：2024-07-11 20:19
李晨宇 台南报导
https://www.youtube.com/watch?v=e3m2CcBvlTw
台南仁德文贤国中趁歇热期间举办传统文化体验活动， tshuā囡仔认捌布袋戏文化的内
涵，嘛予in体会著布袋戏佮台语口白的媠。(本篇新闻标题、导言、内文皆为台文)
这仙穿蓝色的衫兼提葵扇，是布袋戏内底的文生；抑若这仙三花笑常在会伫气氛紧张的时
，出来讲笑诙化解危机。布袋戏拢总分成七大类的角色，为著予囡仔通认捌传统文化，台
南仁德文贤国中伫歇热期间，特别邀请剧团来学校教囡仔掠尪仔的铓角，头摆接触的囡仔
拢学甲欢头喜面。
台南市仁德文贤国中学生：“布袋戏是我第一改摸著的，真趣味。（你拄才有学着啥物件
)学着布袋戏按怎行路。”
台南市仁德文贤国中校长 陈丽如：“咱看布袋戏是足正常，毋过这马的囡仔来讲，布袋
戏这个物件对in来讲，有听过、有看过，毋过伊无摸过。布袋戏内面有足济种台词，是足
媠的台语文化。”
这摆营队，毋干焦予in看尔，嘛予学生动手练习按怎来掠尪仔。弄布袋戏的师傅讲，每一
个角色咧行路的跤步手路，就爱阁参个性做配合。若欲予尪仔阁较有灵魂，上重要就是模
仿角色的讲话气口。剧团嘛攒出场诗，来予in体会台语文音佮白音的优雅。
小东国加掌中剧团教学推广组长 林宣佑：“角色出现的时阵，伊有伊足特别的口白，伊
有唸诗嘛有口白，阮口白就教囡仔用台语来讲。”
小东国加掌中剧团操偶师 杨裕农：“咱若欲传承就是爱对上基层的，像讲国小 国中对学
校向下钉根。我感觉按呢应该是一个较有法度去延续咱布袋戏文化传承的方法。”
古早人常在看布袋戏做议量，这嘛是台湾本土代表性的艺术文化之一，毋过这马布袋戏的
市场渐渐稀微。剧团近来注心共文化向下钉根，IN向望有阁较济人愿意来学习。
买湘莹/编辑