公视新闻网 https://news.pts.org.tw/article/696765
陈澄波文化基金会 推尪仔册"集合!"说台湾故事
发布时间：2024-05-24 19:15 更新时间：2024-05-24 19:52
https://www.youtube.com/watch?v=pVdQKl3VNNY
台湾画家陈澄波的大孙-陈立栢，伫国外生活欲40年，十外年前转来台湾扞陈澄波文化基
金会，伊一直拢真拍拼咧做文化教育的事工，嘛对2022年出版一部号做"集合！"的漫画，
拍算用20年的时间，欲推出120本，来讲台湾的故事，到今已经出到第十集，基金会嘛揣
广播电台合作，共漫画的内容全部配做台语，囥伫Youtube和逐家分享。
“阮接着情报，读册会内底有叛乱份子，请你缀阮转去协助调查，叛乱份子?!我毋是叛乱
份子!校长紧共讲我只是学生啊!”
主角因为去予人举报是叛乱份子予警察掠去，这是对白色恐怖受难者张常美的故事改编来
的。这部漫画就号做"集合！RENDEZVOUS"，是陈澄波文化基金会出版的，这马共尪仔册配
音做台语囥伫Youtube免费和逐家分享。
陈澄波文化基金会董事长陈立栢讲:“这块跤踏地的身世，咱袂使放予袂记得，怹若开始
对遮的有趣味，怹阁有想欲去了解讲，台语欲按怎讲，咱有准备讲，好，遮便便，你马上
会当听着。”
"集合！"这部尪仔册以奇幻冒险结合台湾历史为主题，有讲咱第一位奥运选手的故事、也
有讲早前台湾掠海翁的商业发展，故事真丰富。另外，为著欲予愈济人来接触台语，基金
会和广播电台合作，特别揣一般的民众来参与台语配音。
电台表示配音的人来自台湾各地，除了会当用家己自然的方式讲台语，逐家嘛拢真欢喜会
当了解著济济台湾的故事。
恋恋曾文溪广播电台台长赖嘉仕讲:“伊诚用心，伊共咱台湾的历史，包装伫咧一寡较，
怹家己编的故事，一寡较奇幻的，我感觉讲按呢会当吸引一寡较少年辈的可能有机会予
来看。”
陈澄波文化基金会表示，"集合！"这部尪仔册，欲用20冬来推出120本，今年第三冬已经
出10本去，伫CCC追漫台就看会著，怹嘛当咧规画讲欲用3冬至5冬来做成动画电影，嘛希
望会当共台湾漫画的品牌做起来sak去到国际。
张曼亭/编辑