我台北市大安区出世大汉的
我反对废死
其实以早我赞成废死
彼当阵看着书写讲自从有死刑以来
犹是有杀人放火的代志
而且夆判死刑的其实是政治犯上济
尤其若误判
就算讲事后发现
人死嘛救袂转来矣
所以我本来是支持废死
这阵阁较老矣
想法改变矣
第一
因为台湾这马无阁判死刑
所以我发现著
一寡人会因为按呢变甲敢做歹志
尤其竟然有人夆掠矣阁喝“反正不会判死刑”
结果诚实无判死
这表示讲
因为过去有死刑 而且会执行
所以杀人放火的代志才无遐济
可见死刑是必要的
阁来
若惊误判所以欲废死
会使
要有无假释的无期徒刑来做配套才会用得
结果我干焦看着彼寡人咧喝废死
无人讲著无假释的无期徒刑
按呢哪会使废死？
最后
政治犯的问题
简单
政治罪莫去设计有死刑就好矣
我愈来愈感觉讲
若一方面欲废死
阁无赞成无假释的无期徒刑
这款废死主张就佮讲干话已经差不多矣