公视新闻网 https://news.pts.org.tw/article/675042
民团办活动绍介红龟粿 亲子听故事阁兼做粿
张君豪 / 新竹报导
发布时间：2024-01-06 19:15 更新时间：2024-01-06 19:51
https://www.youtube.com/watch?v=9Htf07Fc16c
后个月就是旧历过年，袂少人会趁过年前、伫厝内炊粿，新竹市本土语推广协会，初六去
清华大学举办亲子活动，现场有台语老师逐家认捌红龟粿的故事，阁用黏涂，予逐家
体验做红龟粿，提早感受过年的气氛。(这则新闻标题、前言、内文为台语文。)
老师讲故事：“红龟粿规个面笑嗨嗨，伊讲足欢喜揣著真济好姊妹，就相招出去耍。
”
透过讲故事的方式，予现场的囡仔知影红龟粿生做啥物款，故事中除了有红龟粿，阁有发
粿、面龟等等，拢是真济民众过年时拢会攒来拜拜的物件，囡仔嘛对过程中学着各种台语
的讲法。
家长表示：“一般拢是过年时才会食，敢是过年抑是拜拜我嘛毋知。就想今仔日讲故事这
个题材，就囡仔来听，趣味，予囡仔有机会练习台语。”
民众表示：“按呢教上好，做一个示范，有一个实品予囡仔看，才阁共囡仔教按呢上好。
”
现场囡仔体验做红龟粿：“加油，揤较大力。”
活动中阁予囡仔用黏涂佮模仔体验做红龟粿。无论大人囡仔逐家拢耍甲真欢喜。
新竹市本土语推广协会秘书长郑玉凤表示：“透过手作的过程、实际做的过程，来知影一
寡做粿台语的名词佮材料，譬如讲秫米、粿模、阁有粿粞(kóe-chhè)等等的名词，按呢
透过实际的制作方式，囡仔就会阁较会记得遮的名词。”
趣味的台语活动，毋但予逐家学台语、讲台语，嘛提早感受过年过节的气氛。
张曼亭/编辑