: 跟一阵子没碰面的朋友吃饭听他分享学佛心得，
: 他没有加入宗教团体只是自己找书看，
: 他说越学佛越觉得世事变化怎样都没差：
: 名利得失是非对错都是变来变去都是一场空，
: 外在发生什么变故越来越觉得没什么差
: 有听过色即是空，学佛会让人觉得什么遭遇都没差都好吗？
你讲的色即是空
是对《般若波罗蜜多心经》来的
彼大乘的
我较无了解
我嘛是家己上网络揣资料看
因为旧年饲的十几岁老狗过身矣
心肝足艰苦
就揣著这个白话文网站
https://agama.buddhason.org/book/as/asi.htm
对我当时真有帮助
嘛因为按呢开始三不五时
想着就google一寡佮原始佛经-阿含经有关的物件来看
简单讲就是南传佛教的物件
南传伊的重点就是
1.无我
2.无常
因为佛祖讲过
世间所有的现象拢是有原因的
无彼款无缘无故就走出来的物件
所以无常真好理解
以身躯来讲
对婴仔到老人 一直咧变
以心来讲
人的想法嘛定定咧变
若无我
譬论咱人
只是色受想行识-五蕴
(色：身躯 受想行识：心理运作过程)
暂时结合的现象尔
五蕴斗做伙予咱有“我”的幻觉
其实根本就无“我”
所以等人死矣
五蕴分开矣
啥物就拢无矣
䞐业力继续去轮回矣
讲到遮你就知矣
业力当然毋是灵魂
伊就是人在生的时阵
因为你爱这个、讨厌这个
对心开始有想法而且讲出来(口业)抑是做出来(身业)
对外口佮你心内拢产生影响
这个经验后摆若有机会
伊阁会走出来影响你的心
影响你后一摆的行为
这个力量甚至到你五蕴分开矣(死矣)
阁会继续去轮回
继续去发展出新一期的性命
所以无我 而且有轮回
就是这个原因
你这世人所造的业
这个力量会去揣相应的所在投胎
然后报应伫新一期的性命
无仝人矣
毋过仝款是你咧欢喜你咧疼
若无法度理解
会当想看觅：
若因为某种原因
你共七岁以前的代志拢放袂记矣
完全袂记得矣
按呢阁坐时光机转去七岁进前
伫路的拄著矣
若无人共你讲
你敢会想着讲伊就是你的“前世”？
伊的身躯 伊的思想
其实佮你这阵无仝款
恁无仝人
但是这个囡仔的心所造的业
当然会继续伫你身上表现出来
继续影响你
就是你咧欢喜你咧疼
所以转世矣
新一期性命矣
新的五蕴矣
身躯记持拢新的矣
诚实无仝人矣
业力犹阁伫咧
犹是你咧欢喜你咧疼
若修行
就是去改变想法
予家己莫予贪瞋痴控制牢
才袂一直造业 一直轮回 一直痛苦
非佛说
参考看觅