毋著
代志无遮尔简单
利息影响的毋是厝价尔
央行的任务嘛毋是咧打房
若升息仝款有其他对老百姓不利的影响
到时阵阁有其他问题会走出来
无一定较好过
其实
阁咧想讲“我一定爱买厝”
这个观念就毋著矣
颠倒会愈来愈凄惨
我共你讲为啥物
欧洲人 日本人
敢会亲像台湾人按呢痟买厝？
袂
怹真济人拢一世人税厝
按呢是按怎台湾人遮爱买厝？
第一
古早观念犹袂改
以前厝价无这马遮贵
一直税厝不如俭俭下直接买厝
按呢较省麻烦
而且这几十年来看别人当初买厝的
这阵拢起矣
就会共买厝当做投资矣
毋是干焦欲家己蹛矣
简单讲
除了建商
“老百姓家己的观念”嘛是厝价一直起的原因
第二
台湾发展无平均
是按怎你想欲蹛双北市？
因为头路较好揣
有捷运、有真济好的病院
有足济活动拢伫遮举办
所以双北市厝价哪有可能袂起？
需求大过供应
干焦这点厝价就一定会起矣
这就是过去台湾发展无平均造成的
若台湾自南到北拢真发展
啥人需要专工来双北市蹛？
针对第一点
其实袂使阁用“我一定爱买厝”来想矣
这阵厝价遮悬
按怎打房嘛袂差偌济
无可能对一坪一百万随变做五十万
彼是无可能的代志
简单讲就是：
“买袂起的人袂因为打房就买会起”
按呢欲按怎？
税厝
想办法叫彼寡投资囤房的人
共厝提出来税
若会当共彼寡厝拢逼出来
供应增加
逐家一世人干焦税厝嘛会当生活矣
免惊无厝通税
欲按怎共厝逼出来？
囤房税
这就是上实在的政策
会当共投资客佮建商的厝拢逼出来
免惊讲囤房税会造成起厝税
袂
厝头家当然会想欲共税拢转予厝跤负担
毋过规个市场供应已经增加矣
你阁起就无人欲租矣
最后投资客佮建商就无才调继续囤房
厝价颠倒嘛会落矣
第二点 发展无平均的问题
这有时间才阁讨论矣
参考看觅