囡仔人你佮伊讲遐济创啥 XD
就讲无拄著就好矣
是讲
这阵台湾人无欲生嘛真正常
第一
观念改变矣
你问家己就好
就算讲这阵厝一间二百万
你敢就一定欲生？
这马的人
较注重家己的生活品质
歇困就想欲出去行行的
无就是做一寡家己有兴趣的代志
啥人想欲共时间拢用伫照顾囡仔？
第二
物件嘛真正愈来愈贵
亲像鸡排
我早就已经袂爽买矣( ￣▽￣)σ
观念改变是上主要的因素
物件贵阁较予人无想欲生
所以我一直真感谢越南查某愿意嫁来台湾
而且既然䞐外国人较愿意生
就应该顺这个势
予嫁来台湾的人阁较好生活
推出一寡政策
来予阁较济外国人愿意嫁来台湾才著
囡仔伫台湾出世大汉
伊的观念佮咱拢仝款
就是正港台湾人矣
伊会为著台湾拍拼
血统遮的物件根本就无重要