人就是按呢
因为过去代志拢照咱所想的咧进行
所以若有一工
代志无阁顺咱意思行矣
就会感觉足艰苦
其实
本来就无啥物代志是永远袂变化的
一直拢咧变
只是你毋知影、无发觉尔
就是佛教讲的“无常”
查某囝敢是昨昏才交男朋友
今仔日就随欲缀人走的？
毋是
两个人的感情
敢是突然间就好甲予查某囝甘愿缀伊行去读别间学校？
毋是
一定是发展一段时间矣
毋才会放弃较好的学校
十八岁矣
毋是大人
嘛毋是囡仔矣
一寡观念这阵才欲教嘛已经袂赴矣
伊若欲缀人走
你敢有伊法？
我若是家长
会接受事实
嘛会共查某囝讲我做妳的靠山
有啥物困难爱会记得转来共爸爸讲
因为有保持联络
才有法度共斗相共
会当做就是按呢
其他随缘矣