公视新闻网 https://news.pts.org.tw/article/644246
疫情了后头个歇热 济济台语营队通予囡仔参加
郭柏均 庄浚佑 / 台北报导 发布时间：2023-07-01 19:15 更新时间：2023-07-01 19:58
https://www.youtube.com/watch?v=FjNDLBhGDSI
学生囡仔七月初一正式开始歇热，伫咧台北市的自来水园区，有举办台北亲水节，到初二
为止，拢会使免费耍水。另外，前几年因为疫情，囡仔歇热拢关踮厝里，今年疫情转和，
也有家长想欲安排囡仔，参加歇热的夏令营；其实这个歇热期间，对台湾头到台湾尾，嘛
有济济台语的夏令营，欲予囡仔参加。(这则新闻标题、前言、内文为台语文。)
烧热的天气，大人囡仔做阵欢喜耍水，遮是伫台北市自来水园区举办的“台北亲水节”，
7月初一、初二两工，开放民众免费入场耍水。真济家长趁歇热头一工，就tshuā囡仔来
耍。
家长陈先生讲：“就想讲趁放假的时阵，tshuā亻因做伙来按呢。”
记者VS囡仔陈小妹：“（你上佮意啥物设施？）彼个黄色的（为啥？）因为伊会喷水。”
记者VS囡仔阙小妹：“（你认为无好耍？为啥物？)因为我惊水。”
学生囡仔开始歇热，时间有2个月遮长，为著予囡仔袂无聊，有家长安排课程；也有家长
讲，欲趁歇热，予囡仔参加歇热的营队。
家长蔡小姐讲：“会当去外口tshit迌按呢较好，毋免亲像伫学校，规工拢伫教室内底按
呢。”
歇热期间，五花十色的夏令营活动真济，台湾对北到南，嘛有济济台语相关的营队通参加
。亲像师大、长老教会、剧团拢有伫台北市、举办台语歇热营队；新北市也有营队、tshu
ā囡仔用台语认捌深坑；新竹嘛有营队，予囡仔体验台语戏剧；抑若行到中南部，彰化佮
台南也有营队、予囡仔认捌台语文的媠，抑是行到户外、若摃木球若讲台语。
前几年，因为疫情，囡仔歇热拢关踮厝里，今年疫情解封了后、囡仔的头一个长假，欲按
怎替囡仔安排活动、好好仔利用，真济家长已经开始咧思考、伤脑筋。
张曼亭/编辑