公视新闻网 https://news.pts.org.tw/article/641761
新竹母语社团办活动 tshuā母语家庭起造游乐场
张君豪 /新竹报导 发布时间：2023-06-15 19:15 更新时间：2023-06-15 19:53
https://www.youtube.com/watch?v=p7mhMCVlgwk
大自然就是上赞的教室，伫新竹的母语家庭，伫大自然当中，透过天然的竹仔、柴箍佮索
仔，教囡仔家己创造出上天然、上环保的游戏场，囡仔阁会使那耍那学台语。（此则新闻
标题、导言、内文皆为台语文。）
囡仔伫用竹仔做的游戏场，peh过来幌过去，另外一爿是伫家己挖的水池，耍甲有够欢喜
。阁有囡仔利用竹仔，透过大人的指导，家己搭起一座便桥，实在真厉害。
囡仔：“因为我看着有竹仔，就想讲来托去对面，就会当过去，（感觉有趣味好耍)？嗯
。”
囡仔：“非常好耍（按怎讲？佗位好耍？)因为阮有起这座桥，会当peh过去耍，而且阁会
使钻水窟仔
微光农园负责人 郭文祺表示：“其实囡仔爱伫tshit迌环境内底，开始会当做风险评估，
你若是无予囡仔去学，囡仔后摆就袂晓，干焦会伫安全的所在去tshit迌，其实有当时颠倒
会受伤。”
新竹母语团体想欲予囝仔，加接触大自然，特别tshuā囡仔来外口，利用自然环境中的工
具，打造出大自然游乐场，逐家那耍、那讲台语，绍介耍法、提醒注意安全、全程拢讲台
语。
新竹母语推广协会秘书长 翁靖宜表示：“不管是进行游戏，抑是有一寡危险的动作，嘛
是会共伊适当提醒，阁会共囡仔提醒讲，咱这马伫遮，譬如讲咱爱讲台语，抑是咱爱讲客
语，抑是讲等等的语言 ，所以伫遮这个环境是足自由的。”
教囡仔功夫、家己搭游乐场，毋但囡仔爱耍、就连大人嘛感觉真趣味。接触大自然，予囡
仔伫生活中有无仝款的刺激，逐家同齐讲台语，嘛是替囡仔创造阁较多元的母语环境。