我读国中的时
彼当阵接触的8+9上济
嘛有诚实咧跳阵头的
是较少数
就我所识似的8+9来讲
有讲话趣味、老奸、单纯、爱耍、目色好、生做袂歹看的
有的厝内真散
有的真会得过
一世人免做事嘛会使
彼个厝内较好过的
国中就咧交姼仔矣
除了抐舌阁有其他进一步的
三不五时会佮逐家分享
佮乖乖读书的同学比起来
8+9较注意外表
会专工去改裤、穿至尊鞋
佮阮这种穿运动鞋的无仝款
简单讲就是重视打扮
生活嘛袂无聊
有当时歇困阁会走去溪边钓鱼
大汉了后
一个接怹老爸大公司
一个学师仔最后靠家己开店
这阵好额人规工四界耍
一个因为铳炮夆关几若摆
后来去东南亚做台商保镖
这马已经死矣
一个高中就死矣毋知啥物原因
跳阵头彼个嘛夆关几若摆
这马无消息矣
其实8+9的下场佮厝内有关系
好额人的囝做啥拢袂按怎
极加夆关尔
有钱夆关嘛袂夆欺负