任何的语言拢仝款，听说读写，缺一不可。你哪无学过著袂晓，看无是真正常的代志。
咱的台语现此时有三种主流的文字表达系统，台语汉字、白话字、台湾罗马拼音，你即马
看着的，著是台语汉字，而确实台语汉字是较简单入门的。另外两种是罗马字的拼音（一
个新一个旧），你会使看作是日文的汉字佮平假名的关系。有人佮意纯汉字，有人佮意纯
罗马字，有人佮意汉罗并用，毋管是因为考虑佗一种因素。
我个人是较佮意台语汉字，但是嘛看有罗马字，毕竟伊会使当作汉字的音标，哪无，真济
无熟似的字著毋知影爱按怎唸囉。这样哪看哪学哪写，我嘛无特别去啥物补习班学，差不
多2-3个月著学甲七七八八囉